Diyarname

Wênesazê kurd Ahmet Guneştekîn vê carê bi tabloya xwe "Lady Godiva" li New Yorkê bû, bi ser de nasandina vê tabloyê lîstikana navdar Drew Barrymore (fîlmê 'Melekên Charlie' jî di nav de di gelek fîlman de rol girtiye) nasandina tabloyê kir.

Markeya çîkolataya navdar Godiva bû 90 salî. Di sala 2007'an de fîrmayek ji Tirkiyeyê "Yildiz Holding" ev çîkotalaya Belçîkî kirî û ji wê demê ve ew difroşin. Ji bo 90 saliya Godiva li New Yorkê bi tabloya hunermendê kurd Ahmet Guneştekîn "Lady Godiva" li Marlborough Gallery pîrozbahiyek hat lidarxistin (14 gulan). Di resepsiyona ji bo salveger û pêşkêşkirina tabloya taybet hat kirin de tablo ji aliyê lîstikvan navdar Drew Barrymore ve hat nasandin. Barrymore heta niha fîlmên "Melekên Çarlî", "50 maçkirin", "Gotin û muzîk", "Siûd bi te re ye" jî di nav de di gelek fîlman de listiye. Barrymore piştî nasandina tabloyê sipasiya CEO'yê Godiva Mohamed Elsarky kiriye ku wan ev firsend daye wê.

CEO'yê Godiva Mohamed Elsarky jî wisa axivî: "Ji ber ku Ahmet Guneştekîn di 90 saliya Godiva de ev berhema bedew derxistiye holê û ev roj bi wate kiriye ez ji dil sipasiya wî dikim."

Guneştekîn jî wisa got: "Niha dema hûn li vê tabloyê dinêrin ji neynikên li navê hûn jî dibin parçeyek vê tabloyê. Bi gotineke din hûn jî dibin hunermend."

Piştî axaftinan Ahmet Guneştekîn, Elsarky û Barrymore li ber tabloyê wêne kişandin. Gelek mêvanên ku eleqe nîşanî tabloyê dan, ligel Guneştekîn wêne kişandin.