Diyarname
Em ve hefteyê hunermend Meral Tekçî bi "Min gul diçinî" dikin mêvana Klîba Hefteyê.
Hunermend Meral Tekçî ji salên 90'î ve distrê, di nav gelek komên Navenda Çanda Mezopotamyayê de cih girt. Ligel koman di gelek albuman de stra, lê di dawiya dawî yekem car albuma wê ya sola derket: "Vejîn" (Kom Muzîk). Tekçî îsal bi "Vejînê" silav li hezkiriyên xwe kir.
Di albumê de stranên wekî "Çûka li serê darê", "Helebçe", "Min gul diçînî", "Hebs û Zindan", "Xecokê", "Na Nîya", "Rim", "Xum Kirmanşanî", "Kina", "Şewitîm Ez", "Sebra min li malê nayê" hene. Em ji navê strana wê "Min gul diçinî" hildibijêrin, dikin Klîba Hefteyê û ji aliyek din ve jî hêvî dikin ku dê album gelek bê firotin.
Fermo Meral Tekçî û strana wê: