HANA AZAD/ HEWLÊR

Wezîra Tûrîzmê ya Hikumeta Herêma Kurdistanê Newroz Mewlûd da xuyakirin ku li Herêma Kurdistanê rewşa geştiyarî û tûrîzmê ber bi xirabûnê ve diçe.

Îro li bajarê Hewlêrê konferansa Geştiyarî û Tûrîzmê ya Herêma Kurdistanê hat lidarxistin. Wezîra Tûrîzm û Geştiyariyê ya Herêma Kurdistanê Newroz Mewlûd ku di konferansê de axivî, got; “Ji ber krîza siyasî hatina li Herêma Kurdistanê rêjeya tûrîzm û geştiyariyê pir kêm bûye. Heya niha jî me nekariye pêşiya vê rewşê bigirin û çareseriyek ji bo peyda bikin.”

Newroz Mewlûd dewama axaftina xwe de diyar kir ku ji ber nebûna rêyên ewlehî û bawerpêker ên ji derve bo nav Herêma Kurdistanê bandor li ser kêmbûna rêjeya geştiyariyê kiriye û wiha dewam kir; “Ji ber krîzên hene, bi teybetî jî nebûna rêyên ewlehiyê êdî ji gelek welatan tûrîzm û geştiyariya ber bi Herêmê ve sekiniye.”

Di dawiyê de Newroz Mewlûd wiha peyîvî; “Em heya niha jî nikarin bêjin ku Herêma Kurdistanê bi qasî hêza xwe geştiyarî û tûrîzm pêşwazî kiriye.”

Her wiha hat diyarkirin ku wê konferans sibe jî berdewam bike.

Ji Rojnewsê hatiye girtin