Diyarname

Serokwezîrê Tirkiyeyê Ahmet Davutoglu li Londonê li ser rewşa Sûriyê got: " PYD nikare beşdarî pevdîtinên aştiyên yên li Sûriyê bibe ji ber ku PYD şirîkê sûcê yê rejima Esad e."

Hikumeta AKP'ê û Serokwezîrê Tirkiyeyê Ahmet Davutoglu ku ji mêj ve li dijî mafên kurdên rojavaya Kurdistanê ye, ev fikra xwe li Londonê jî aniye ziman. Davutoglu li Londona Îngilistanê ligel nûnerên rojnameyan hat ba hev. Li gor nûçeya BBC Tirkî Davutoglu dij derketiye ku PYD jî beşdarî hevdîtinan bibe.

Independent

Ji rojnameyan Independent wisa gotiye: "Serokwezîrê tirk dixwaze kurdan li derveyî hevdîtinên Sûriyê bigire" û wisa gotiye: "DYA YPG'ê hêza herî bi bandor a ku li hemberî DAIŞ'ê şer dike dibîne lê Davutoglu dibêje têkiliyên nêz ên YPG û PKK'ê hene û ew raste rast ji bo Tirkiyeyê tehdîd e."

Guardin

Rojnameya Guardian jî nivîsiye ku Davutoglu gotiye ji mîlyon û nîv zêdetir sûriyeyî li Tirkiyeyê hene loma welatê herî zêde xwedî gotin Tirkyeye ye û wisa dom kiriye: "Heta Esad li Şamê rûnê tu sûriyeyiyek dê venegere welatê xwe."

Li gor rojnameyê Davutoglu ji bo PYDê jî wisa gotiye: "PYD ne muxalifa rastîn e. Di navbera PYD û rejimê de hevkarî heye."

Times

Rojnameya Timesê jî gotiye "Davutoglu PYD li derveyî hevdîtinan dihêle" û wisa dom kiriye: "Bi vetokirina kurdan a ji aliyê Serokwezîrê Tirk re hevdîtinên aştiyê yên ji bo Sûriyeyê di talûkeyê de ne."

Rojname di heman demê de dibêje meha borî li Erebistana Siûdî komên laîk û îslamparêz hatibûn cem hev û PYD derveyî vê hevdîtinê girtibûn.