Diyarname
Platforma Piştgiriya Taksîmê piştî êrîşa polîsan reaksiyon nîşan da û got: "Em li vê derê ne û naçin ciheke din." Platformê bang li gel kir ku saet 19.00'an de werin Taksîmê.

Di daxuyaniyê de platformê wisa got: "Di navbera êrîşa 10 roj berê ya polîsan ku saet 05'an de êrîş kiribû û ya îro de tenê ferqa saetê heye. Vê carê saet 07.00'an de êrîş kirin. Di êrîşê de dîsa bi dehan birîndar hene û dorpêçana polîsan gel dixe nava tirsê.
Li cihê ku dorpêça polîsan hebe mirov nikare qala demokrasî û diyalogê bike.
Heta niha tu bersiv nedan daxwazên Piştgiriya Taksîmê ku ev daxwaz bûne daxwazên gel, lê dikin ku di navbera me de parkparêz-marjînalan çêbikin û ji vê hêvî dikin. Bila kes ji vê hêvî neke. Em li vê derê bi hev re dê daxwazên xwe yên meşrû û mafdar bînin ziman, vê bidomînin.
Em careke din bang dikin. Kesên xwedî li parka xwe derdikevin û polîsan neynin hemberî hev. Yên hatine binçavkirin serbest berdin. Berpirsên şîdetê yên êrîşa polîsan ji peywirê bigirin.
Daxwaza me ya yekemîn û bingehîn ew e ku metreçarqorziyeke nekin beton, bi awayekî fermî ragihînin ku ev der dê wekî park bimîne."

Her wiha platformê ragihand ku saet 19.00'an de li benda kesên dixwazin xwedî li parkê derkevin in.

Foto: İhsan Kaçar