Diyarname
Komeleya NivÎskaran a Amedê êrîşa polîsên sivîl a li ser standa kovara Mizgînê şermezar kir.
Li ser navê komeleyê helbestvan û berpirsê têkiliyan ê komeleyê Arjen Arî daxuyaniyeke nivîsîk weşand û êrîşa polîsan a li ser standa kovara Mizgînê şermezar kir. Di daxuyaniyê de wisa hate gotin: "Beyanî piştî navrojê bi ser standa kovara Mizgînê de girtin, ji hêla polîsên sivîl ve; bi mahneya heyîna bergên jimarên qedexekirî li ser standê. Tarûmarkirina standa Kovara Mizgîn, tarûmarkirin û binpêkirina azadiya derbirînê ye. Em wekî Komeleya Nivîskarên Kurd/Amedê bi taybetî vê êrîşa hovane û her cure êrîş û astengîderxistina li hemberî weşanên kurdî; qedexekirina pirtûk, rojname, kovaran...û bêtehamûliya li hemberî zimanê kurdî heldaneke derşaristî dibînin û bi tundî şermezar dikin."