Diyarname
Berendamê Şaredariyê ye AKP'ê yê Sêrtê Kasim Ceylan got: "Ez ji şaredarîtî tiştekî fêm nakim."

Li Sêrtê AKP'ê Şaredar Mervan Gul careke din wekî berendam nîşan neda û di cihê wî de Kasim Ceylan nîşan da. Mebûsê AKP'ê yê Sêrtê Yilmaz Helvacioglu, Afif Demirkiran, Serokê AKP'a Sêrtê Bayram Kizilay û berendam Ceylan daxuyaniyeke dan çapemeniyê.

Ceylan di daxuyaniya çapemeniyê de got; "Ez niha ji şaredarîtî tiştekî fêm nakim. Lê emê hîn bibin. Ger ez bibim şaredar, gel bi xirabî der barê min de biaxive ezê îstîfa bikim."

Li ser îdîayên ku Ceylan di karê xwe de îflas kiriye jî Ceylan got ku ev derew e û li ser pirsên rojnamegeran da zanîn ku di rojên pêş de ew dê hebûna xwe eşkere bike.