Stenbol

Weşanxaneyên herî navdar ên Tirkiyeyê bi duxuyaniyekê piştgirî dan "Akademîsyenên Ji Bo Aşitiyê" û gotin "Emê tu carî serî netewînin."

Piştgiriya ji bo akedemîsyenên ku ji ber daxwaza aştiyê û rastî kampanyaya lîncê hatin, her ku diçe mezin dibe. Piştî hunermend, wêjevan, rojnameger, sînemegeran vê carê jî weşanxaneyên sereke yên Tirkiyeyê, piştgiriya xwe ya ji bo akademîsyenan nîşan dan. Weşanxaneyan, bi navê "Weşangerên Ji Bo Aştiyê" daxuyaniyeke hevpar dan û êrîşên li hemberî akademîsyenan şermezar kirin. Di daxuyaniyê de wiha hate gotin: "Em diyar dikin ku ji bo bikirabin mafê jiyanê, wekheviyê û aştiyê biparêzin, ramana azad şert e. Em dibêjin ku ji ber ku em weşangeriya akademisyenên alîgirê aştiyê ne dikin, em serbilind in û emê tu car serê netewînin."

Weşanxaneyên ku piştgiriyê didin:

Agora, Alef, Aram, Aras, Avesta, Ayîzî, Aykiri, Ayrinti, Bariş Îlhan, Belge, bgst, Bulut, Can, Cem, Ceylan, Dedalus, Dîpnot, Encore, Epos, Epsîlon, Evrensel Basim Yayin, Guldunya, Habîtus, Herdem, Hît, Islik, îletîşîm, Îthakî, Kalkedon, Kibris Khora, Kolektîf, Kok, Lîteratur, Metîs, Morişik, Norgunk, NotaBene, Notos, Omega, Otonom, Paloma, Pan, Pencere, Sanatatak, Say, Sel, Sîren, Sorun, Varlik, Verîta, Versus, Yordam.

Têbinî: Piştî ev daxuyanî hat weşandin bi demek şûnde hat gotin ku hejmara weşanxaneyên ku îmzeya xwe avêtiye bin vê metna weşanxaneyan sedî derbas kiriye.

**

Nûçeyên eleqedar:

- Ji akademîsyenan danezaneke nû: Rejîma Erdogan nikare kurdan bikuje 

- Dengvedana daxuyaniya akademîsyenan: Hem piştgirî, hem lêpirsîn