ŞIRNEX 

Midûriyeta Polîsan a Silopiyê nûçegihanê DÎHA'yê Nedîm Oruç û xizma wî ya piştî îşkenceyê revandin bi seatan şûn de qebûl kir ku wan ew binçav kirine. Niha jî ew tewqîf kirin.

Nûçegihanê DÎHA'yê yê Silopiyê Nedîm Oruç li taxa Şehîd Harûn bi welatiyên taxê re bi zorê ji malan derxistibûn û biribûn salona sporê ya li taxa Yenîşehîrê. Li gorî şahidan Oruç li vir rastî îşkenceyê hat û pişt re bi xizma xwe Emîne Guleç re bi wesayîta zirxî hat revandin. Demek dirêj nehat qebûlkirin ku Oruç di bin çavan de ye, ligel hemû serîlêdanan rayedarên polîsan gotibû, "Em nikarin bêjin di bin çavan de ye û nikarin bêjin ne di binçavan de ye" û bi vê yekê bi saetan tu agahî nedan. Piştî reaksiyonên mezin mecbûr man qebûl kirin ku ew di bin çavan de ye.

CRA'yê binçavkirin şermezar kir

Cemiyeta Rojnamegerên Azad (CRA) binçavkirina nûçegihana JINHA'yê Rojda Oguz, nûçegîhanê DÎHA'yê Nedîm Oruç û binçavkirina kameramanê Kurdsat Newsê Baran Ok şermezar kir. CRA'yê diyar kir ku bi binçavkirina rojnamegerên dixwazin rastiyan tarî bikin û xwestibû ew bêne berdan.

Û Oruç hat tewqîfkirin

Û roja 6'ê mehê, di dawiyê de piştî binçavkirina rojekê nûçegîhanê DÎHA'yê Nedim Oruç bi îdîaya "Alîkariya rêxistinê kiriye" hat tewqîfkirin.