Cemil Oguz

Li hemû dinyayê fûtbol xwedû butçeyek mezin e, li Tirkiyeyê jî. Tîmên kurdan jî ne bi temamî be jî mecbûr in li gor vê yekê tevbigerin. Tîm ji bilêtên difroşin (bi taybetî KOMBÎNE, yanê bi yekcarî girtina bilêtên ji bo  temamê maçên salê), bi pereyên ji sponsoran digirin û bi pereyên ji TFF'ê (Federasyona Fûtbolê ya Tirkiyeyê) tên li ser piyan in. Yek ji wan tîmên kurdan ku em qal dikin û pêdiviya wê bi pereyan heye jî tîma Amedê "Amed Spor FK" ye.

Pera par ev tîma ku girêdayî Şaredariya Bajarê Mezin ê Amedê ye heta par bi navê "Diyarbakir Buyukşehir Belediye Spor" dilîst. Di kongreyê de biryar girtin û navê xwe kirin Amed SK. TFF'ê jî ev nav pejirand û îsal Amed Spor bi vî navî dilîze. 

Amed Spor di Koma Sor a Lîga Duyem de ye. Di Lîa 2'yem de vê hefteyê (6'ê vê mehê) maç dest pê dikin. Amed Spor yekemîn maça xwe ya îsal mala xwe bi Bucasporê re dilîze. Û niha Amed sporê ji bo alîkariyê dest bi firotina Kombîne Kart kir. Xebat bi navê "Kombîne Bistîne Xwedî Li Tîma Xwe Derkeve" hatiye destpê kirin. Kesên Kombîne Kart bigirin dê hemû maçên li Sehaya Amed Sporê de bêne lîstin pê herin temaşe bikin.  Heta 31.12.2015'an kî bixwaze dikare Kombîne Kartê bistîne. Helbet çiqas zû bistîne dê ew qas zêdetir pê maçan temaşe bike. Temaşekirina maçan wêdetir Kombîne Kart ji bo Amed Sporê alîkariyek mezin e. Yên pereyên wî/ê hebin neçin li maçan temaşe nekin jî ji bo alîkaryê dikarin yekê, yan hinan bistînin. Dikarin Kombîne Kartê bistînin diyarî hinên din ku diçin lê temaşe dikin bikin.

Buhaya Kombîne Kartê îsal 100 TL hatiye diyarkirin û yên bixwazin dikarin ji gîşeyên sehaya Şilbeyê, yan Avahiya Xizmetê ya Klûba Amed Sporê yan jî bi ser e-mail û telefonê re xwe bigihînin klûbê û Kombîne Kartê bistînin.

Ji bo têkiliyê:

Telefon: 0412 229 48 03

E-Mail: amedsk021@gmail.com