Diyarname

Serokdewletê DYA'yê Donald Trump di her warî de bi gotin û kirinên xwe raya giştî şaşwaz dike. Kanala Foks News di dema hilbijartinê de her piştgirî dabû Trump. Ji ber vê Trump li mala xwe ya li Floridayê hevpeyvînek da Foks Newsê, di hevpeyvînê de got ku ewê ligel Putin têkiliyên baş saz bike. Li ser gotina nûçegihan ku got, "Lê ew qatil e" Serokdewletê DYA'yê Trump got: "Li cem me jî gelek qatil hene. Ma te got qey çi ye? Ma welatê me gelek masûm e?"

Êvara yekşemê berî Kûpaya Super kurteya hevpeyvînê hat weşandin. Di vê kurteya hevpeyvînê ku hat weşandin de Trump dibêje ewê li hemberî "Terora Îslamî" ji Rusyayê alîkarî bixwaze û dibêje, "Ez hurmetê nîşanî Putin didim. Lê ev nayê wê wateyê ku dê navbera me pir baş e. Têkiliya baş ligel Rusyayê ji ya nebaş baştir e. Ger Rusya di têkoşîna li hemberî DAIŞ'ê de alîkarî bike li hemû dinyayê dê terora îslamî biqede. Ev tiştek baş e. Ezê ligel wî têkiliyên baş saz bikim? Ez nizanim."