STENBOL
Heyeta Bloka Aştiyê lêkoînên li navçeyên Farqîn û Lîceyê kirin îro bi civînek pêşkêşî raya girtî kir.. Hevberdevkê Bloka Aştiyê Gençay Gursoy got ku di hevdîtinan de wan dîtiye ku êdî têkiliya dewletê û gel hatiye asta qutbûnê.
Blokê li Salona Civînê ya Cezayîrê çavdêriyên xwe pêşkêş kirin. Heyeta ji 30 kesan pêk dihat bûbûn du kom, nîvî çûbû Licê, nîvê din jî çûbû Farqînê.
'Terora dewletê careke derketiye holê'
Hevberdevkê Bloka Aştiyê Gençay Gursoy di nava heyeta çûbû Farqînê de bû. Gursoy wisa got: "Li Farqînê terora dewletê ya di salên 1990'an de pêk hatin careke din derketiye holê. Nûnerên heremî ji ber zextên dewletê nikarin înîsiyatîfê bigirin. Li gorî agahiyên gel Fermandarê Cendirmeyan ê Farqînê 10 roj berê gotiye, 'Ez dê ji bo welat canê xwe bidim lê ji bo hin desthilatdaran xwe nakim qurban' û îstîfa kiriye."
Gursoy da zanîn ku bi taybetî ciwan li hemberî zordariya dewletê gelek bihêrs in, û welatiyên navsere jî di nav diltirsiyekê de ne. Gursoy got ku gel sedema çima Farqîn ji bo xwe kirine hedef wisa got: "Tevgera kurd li vir bi cih bû û ji ber vê yekê dewletê ev der hedef girt"
Gursoy, diyar kir ku ji ber pevçûnan dîwarên malan xira bûne, hin mal bi temamî xirabûne û taxrîbatên gelek mezin çêbûne; di hin cihan de balafirşikên (uçaksavar) hatiye bikaranîn.
Berdevkê Blokê Gencay Gursoy wisa got: "Gel ji bo me wisa got 'Di şeva 17'ê gelawêjê de bi TIR'an nêzî 30 maşîneyên leşkerî anîne navçeyê û li nokteyên cuda yên navçeyê hatine bicihkirin.' Ligel ku biryara qedexekirina derketina derve hatibû dayîn jî tîmên taybet bang li gel kiriye ku derkevin derve û heqaret li wan kiriye. Di encama hevdîtinên me de gel got ku êdî girêdana wan a bi dewletê ve qût bûye. Pêwistî bi îtîfaqa aştiyê heye."
'Li herêmê dîmenên OHAL'ê serdest e'
Piştî Gursoy vê carê Hevberdevka Bloka Aştiyê Nuray Sancar ku ew di nav heyetê de çûbû Licê axî û got: "Ketina navçeyê ji aliyê leşkeran ve hat qedexekirin. Em gihîştin cihê ku çalakiya mertalên zindî lê hebû. Me dît ku di encama şewata daristanan de qetlîama xwezayê pêk hatiye. Li sêgoşeya Licê, Hênê û Karazê li aliyekî gerîla li aliyê din jî leşker cih digirin. Li herêmê dîmenên OHAL'ê serdest e."
Hevberdevka HDK'ê Sebahat Tuncel jî got ku gel şer naxwaze û ev yek lê zêde kir: "Ji bo leşker û gerîla neyên kuştin gel her şev nobedê digire. Gel êrîşên Erdogan ên piştî hilbijartinên 28'ê adarê û 7'ê pûşperê wekî derbe bi nav dike. Her wiha bi darê zorê gel ji herêmê didin koçkirin. Her wiha gel ji bo pêkanîna aştiyê li ser wê fikrê ye ku tenê bi muzakereya bi Rêberê PKK'ê Abdullah Ocalan dikare çêbibe."