Diyarname 

Mîtînga Aştiyê ku Bloka Aştiyê li dar xist li Hala Bakirkoya Stenbolê bi beşdariya bi hezaran kesî dest pê kir.

Li qadê tenê flama bloka aştiyê û wêneyên Rêberê PKK'ê Abdullah Ocalan  hatin bilind kirin. Gelek mebûsên HDP û CHP'ê jî ji bo piştgirî li qadê ne.

Li ser navê blokê Prof. Gencay Gursoy axivî û got ku ew dikin ligel dor 90 saziyên di nav blokê de xeleka aştiyê saz bikin. Em nûnerên bi mîlyonan kesên ku aştiyê dixwazin in. Di serî de li Rojava ev çek berê wan dane gelên Rojhilata Navîn. Emê nehêlin Şoreşa Rojava bê têkbirîn. Emê pêşî li şer bigirin. Emê bi we şer nedin kirin. Bila muzakere dîsa dest pê bikin. Ji dêvla şer bila dengê aştiyê bilind bibe. Em ji şer re dibêjin na.

Endama Dayikên Aştiyê Dondu Ergîn: Min du zarokên xwe şehîd dane, êdî bes e bila aştî bê. Ez bangî dayikên polîsan û eskeran jî dikim çima hûn dengê xwe dernaxin?  Heta kengê dê şer hebe? Li dinyayê hemû şer bi aştiyê bi dawî dibin. 

Hevserokên HDP'ê Selahattin Demirtaş û Figen Yuksekdag jî li qadê bûn. Demirtaş axivî:

Em duh li Wanê bûn, ez gihîştim wê rûmetê ku silavên aştiyê yên Wanê min ji bo we anîn. Ji vîr jî em ji bo Wanê silavan dişînin. Ev dengê aştiyê li her bajarî wisa bilind bibe rojek tenê jî dê nikaribin şer bikin. Bila dayikên polîs û leşkeran jî dengê xwe bilind bikin.

Hilbijartina pêşwext dixwazin bila çêkin. Em Amede ne.  Emê nîşan wan bidin. Wê sedî 41'ê nebînin. Bi rêbaza demokratik nekarîn bi me vê carê dest avêtin çekan. Çek ne di destên me de ne, di destên wan de ne.

Birêz Davutoglu, Serokwezîrê demkî  dest ji şer berde.  Me bi rêya demokratik we daxist, me dest neavêt şer, we dest avet şer. Çek di destê we de ne. Binêr li Zergeleyê we sivîl kuştin, rojnameyên we dibêjin 'tam îsabet'. Di hilbijartina nû de emê tam îsabet nîşan bidin û AKP'ê di sindoqê de bifetisînin.