Diyarname

Associated Press li ser êrîşa jetên tirk yên li dijî şervanên kurd kir nûçe û got ku pêvajoya aştiyê ku di sala 2013'yan de dest pê kiribû ji wê rojê heta îro yekem car hat kirin.

Di nûçeyê de hate gotin ku bombekirinên li Iraqê hêzên Partiya Karkerên Kurdistan (PKK) ku ew li Sûriyê li dijî DAIŞ'ê jî têdikoşin ji xwe re kirin hedef. Bi vî awayî ev têkoşîna ku li dijî tundirawan tê dayîn û zêdetir kurd li Sûriyê û Iraqê dijî DAIŞ'ê têdikoşin, gelek tevlihev bû.

Me li Iraqê bi berdevkekî PKK'ê re xeber da û wî got ku ji sala 2013'yan ve pêvajoya aştiyê ku didome herhal bi dawî bûye. Berdevkê PKK'ê Zagros Hîwa got, "Tirkiyeyê dawî li pêvajoya aştiyê anî" û got ku di encama êrîşan de windayiyên me nîn in lê li ser diyarkirina ziyanê hê xebatên wan didomin.

Li gor daxuyaniya Ofîsa Serokwezîriya Komara Tirkiyeyê jetan bombe bi ser stargeh, şikeft, erbar û 'cihên lojîstîk" ên PKK'ê de barandine. Di daxuyaniyê de hat gotin ku Çiyayê Qendîlê ku baregehên PKK'ê lê ne jî hatine bombekirin.

Di daxuyaniya ku roja duyemîn hat kirin de li ser hedefên DAIŞ'ê yên li Sûriyê tu agaheyik jî nehatiye dayîn, hatiye gotin ku bombekirinên li Iraq û Sûriyê bi bandor in. Her wiha hat gotin ku top avêtine mewziyên DAIŞ û PKK'ê.

Têkiliya di navbera dewlet û kurdan de roja duşemî di encama êrîşa întîxarî ya DAIŞ'ê ya li Pirsûsê de xira bûbû, ku di vê êrîşê de 32 kes miribûn. Komên kurd ku hikumeta tirk berpirsê vê yekê êrîşê dîtin û bi gotina dewlet li hemberî DAIŞ'ê di têkoşînê de nedilxwaz e sûcdar kirin.

Roja çarşemê li bajarê Rihaya Tirkiyeyê ku li ser sînorê Sûriyê dikeve û piranî kurd lê dijîn PKK'ê kuştina du polîsan girtibû ser xwe.

Associated Press, 22.07.2015

Ev nûçe bi alîkariya Barkin Karsli hate wergerandin