Diyarname

Li gor nûçeya Missy Ryan a di rojnameya The Washington Post de, Obama çû Pentagonê û li wir axivî.

Obama di serdana Pentagonê ku Wezîrê PArastinê Ashton B. Carter û Orgeneral Martin Dempsey jî amade bûn de axivî.

Di vê serdanê de Obama li ser şerê li dijî çeteyên DAIŞ'ê axivî û got ku koalîsyonê û alîgerên wê li hemberî DAIŞ'ê li Iraq û Sûriyê serketin bi dest xistine, lê dibe ku ev şer demek dirêj bidome. Ew dibêje ji ber ku DAIŞ li firsendê digere, bilez tevdigere lewma jî bi temamî ji holê rakirina wan dê demê bigire.

Obama got ku wan li Iraq û Sûriyê heta niha li 5 hezar heb hedefên DAIŞ'ê dane û dûre bal kişand ser serkeftina şerê ku DYA û alîgiran li bajarên Kobanî û Girê Sipî û her wiha li Tikrîta Iraqê bi dest xistine û got ku  DAÎŞ'ê ji sedî 25 cihên li Iraqê di dest wê de bûn winda kirine...

Obama diyar kir ku wekî her destwerdana leşkerî demên gelekî baş jî wê hebin lê di heman demê de ew ê hin astengî û kêmasî jî hebin.