Amed

Li gorî agahiyan leşkeran êrîş li welatiyên li gundê Biryas ê navçeya Lîceyê kirin û 4 kesan jiyana xwe ji dest da. Li herêma Celikê jî di pevçûnan de 4 kes birîndar bûn.

Li navçeya Lîceyê ya Amedê leşkaran bi guleyan êrîş li welatiyên bi rojane li dijî çêkirina qereqol û qeleqolan û polîtîkayên AKP'ê yên li dijî çareseriyê çalakî li dar xistin, kir. Li gorî agahiyên Hevşaredarê Lîceyê Harun Erkuş di berxwedana gundê li Ziraxê yê navçeya Licê de di encama êrîşa leşkeran de ciwanê bi navê Ramazan Baran, dayikekî navê wê nayê zanîn û 50 salî û welatiyê bi navê Hacî yê piştnavê wî nehate zanîn jiyana xwe ji dest da. Di encama êrîşê de ciwanê bi navê Abdullah Akkalu jî bi giranî birîndar bû. Cenazeyê Ramanzan Baran û ciwanê birîndar ê bi navê Ahmet Akkalu yê 19 salî anîn Nexweşxaneya Zanîngeha Dîcleyê. Li nexweşxaneyê Akkalu hat emeliyetkirin. Li gor agahiyên ku hatin Akkalu ji stuyê xwe birîndar bûye.

Her çiqas tê gotin bûyer li gundê Ziraxê pêk hatiye jî li gorî çavkaniyên herêmê bûyer li gundê Biryas ê Licê pêk hat. Di encama gulebaranê de welatî li qadê belav bûn.

Piştî leşkerên welatî gulebaran kirin ji qadê hatin vekişandin ji bo kesên jiyana xwe ji dest dan û birîndar bûn xebatên lêgerînê hatin destpêkirin. 

Ligel bûyerên li gundê Biryasê li herêma Çelikê jî leşkeran bi dijwarî êrîşê gel kir. Di encama êrîşê de 4 welatî birîndar bûn. Hate zanîn ku ji birîndaran Ahmet Arslan rakirin Nexweşxaneya Zanîngeha Dîcleyê. Tê gotin Arslan li herêma Celikê birîndar bûye.