Diyarname

Li Amedê hezar kesî ji bo pêşberendamiyê serî li DTP'ê da. Hin berendamên DTP'ê diyar bûn.

Serîlêdanên ji bo pêşberendamiyê yên DTP'ê duh temam bû. Serîlêdanên herî zêde li Amedê pêk hatine. Li Amedê ji bo Meclisa Giştî ya Bajar, Meclisên Şaredariyan û Şaredartiyê 987 kesî serî li komîsyona hilbijartinê ya DTP'ê. Di nav van de

Vane ji serîlêdanan agahî:
- Ji bo Şaredariya Bajarê a Amedê tenê Osman Baydemîr serî li komîsyonê daye. Ev yek jî nîşan dide ku Baydemîr dê teqez bibe berendamê DTP'ê yê ji bo Şaredariya Bajarê Mezin.
Li Sûra Amedê Abdullah Demirbaş ku Wezareta Karên Hundir ew ji peywirê girtibû dîsa berendam e, navê wî jî di nav yên teqet de ye.
Ji navçeyên navendî yên Amedê yên din, li Yenîşehîrê navê Firat Anli û li Kayapinarê jî navê Zulkuf Karatekîn ku her du jî niha şaredar in dîsa derbas dibe.
Di nav navçeyên Amedê de herî zêde serîlêdan ji bo Erxenî û Farqînê çêbûne. Li her du cihan jî 13 kesan ji bo pêşberendamtiyê serî li komîsyonê daye.
Li Licê 8 kes, li Hênê 5 kes, li Karazê 8 kes, li Pasûrê 2 kes, li Çermûgê 2 kes, li Gêlê kesek, li Çinarê 5 kes, li Bismilê 9 kes û li Hezroyê 5 kesan serî lê daye. Li gor vê encamê, ji ber ku li Gêlê tenê kesek serîlêdan pêk aniye dê ew teqez bibe berendam. Berendama Gêlê Petek Çapanoglu ye.
- Li Şirnexê Ahmet Ertak dîsa navê wî derbas dibe.
- Li Batmanê rêxistin dixwaze Nejdet Atalay bike berendam lê hem hê nediyar e ku nîqaş didomin, hem jî li nava Batmanê hê sedî sed li dora wî erêbûneke saz nebûye.
- Li Dêrsimê vê carê dê şaredara niha Songul Erol Abdil nebe berendam. Di cihê wê de navê Edibe Şahin derbas dibe ku Şahin ev demeke dirêj e di nav DTP'ê de, di nav xebatên jinan de cih digire.
- Her wiha Şaredarê berê yê Cizîrê Aydin Budak jî dîsa berendamê teqez e ku navê wî jî lê hatiye kirin.
- Li Qersê navê parêzer Ayşe Alinak derbas dibe. Ayşe Alinak di heman demê de xizma Mahmut Alinak e.
- Li Sêrtê hê teqez nebe jî DTP dixwaze Selîm Sadak wekî berendam nîşan bide.
- Yek ji cihê ku DTP girîngî didê jî Wan e. Li Wanê gel ji şaredariya niha ku di destê AKP'ê de ye ne razî ye. DTP'ê vê yekê wekî siûdekê dibîne û dixwaze Wanê dîsa bi dest bixe. Li Wanê niha zêdetir navê du kesan derketine pêş; Yek jê Mesut Ozturk e ku serdema din hilbijartin winda kiribû, yek jê jî Serokê DTP'a Wanê Abdurahman Dogar e.
- Li Culemêrgê navê Yusuf Sermiş derketiye pêş.
- Li Nisêbîna Mêrdînê navê Ayşe Gokhan, li Dêrikê navê Cîgira Serokê Giştî Selma Irmak ku çend roj berê hate girtin derbas dibe.
- Li Wêranşara Rihayê navê Leyla Guven derbas dibe.

Di encamê de Platforma Hilbijartinên Azad dê li her derê sê navan diyar bike û wan pêşniyarî navendê bike. Navend jî ji nav wan dê navekî derxe û wekî berendamê/a şaredariyê nîşan bide.

Li bendê ne ku heta nîvê meha pêşiya me hemû berendam diyar bibin.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.