Fehîm Taştekîn*

Hêzên YPG, YPJ û Burkan el Firat li Tel Ebyad û Ayn el îsa serketin bi dest xist ku ev serketina wan li dinyayê deng veda, di demek wisa de DAIŞ'ê sihorê êrîşek sansasyonel (dengvedan) li navenda Kobanî kir. Di dema ku efsaneya tirsnak û bi xwîn a DAIŞ'ê hêdî hêdî têk diçû, mîlîtanên rêxistinê destpêkiribûn jin û zarokên xwe ji Cerablusê ber bi herêmên din ve dişandin hat. Armanca DAIŞ'ê bi vê êrîşê çibû? Li ser çend sedeman dikare bê sekinîn:

TOLHILDAN

Rêxistina ku li Tel Ebyad û Eyn el Îsayê têkçû rabû ku tolê ji Kobanî bigire. Êrîş ne wekî stratejiya bi vê êrîşê careke din Kobanî bigirin bin destê xwe ye. Mîlîtanên ji aliyê Sîrrîn a li ser rêya Helebê û ji ser rêya Reqqayê hatine ku hejmara erebeyên wan ên pê hatine desteyek derbas nabe. Bi ew qas şervanên hindik ne mimkûn e Kobanî dagir bikin û bigirin bin qontrola xwe. Tê dîtin ku ji bo gelek kesan bikujin û pêre jî ew jî bimirin hatine wi.

TÊKBIRINA PRESTÎJA YPG'Ê

Armanca duyemîn ew e ku prestîja YPG'ê ku her diçe bilind dibe sist bikin, bişkînin. DAIŞ'ê di eniya Iraq û Sûriyê de derbeyên herî mezin ji kurdan xwar. Serleşkera Kobanî Nesrîn Ebdullah piştî serketina Kobanî li Parîsê li Qesra Elysee hat mazûvankirin, piştî serketina Tel Ebyadê jî Ebdullah li Parlemena Îtalyayê bû mêvan. DAIŞ'ê xwest nîşan bide ku ji bo efsaneya YPG'ê bihejîne dikare li mala kurdan li wan bixe.

MORALA JI BO MÎLÎTANÊN XWE

DAŞI'ê li Kobanî gelek windayî dabûn ku ev yek li nav rêxistinê bû sedema nîqaşan. Ji ber vê yekê herî hindik 120 kesên xwestin jê veqetin li Reqqayê hatin înfazkirin (kuştin). Dema têkçûna Tel Ebyad û Eyn el Îsa jî li vê hat zêdekirin DAIŞ ji aliyê moralê ve têkçû. Rêxistinê ji bo pêşî li belabûnê bigire biryar da ku derbeyek mezin li Kobanî li kurdan bide.

PÊŞÎ LI VEGERÊ BIGIRE

Bi pevçûnên ku çar meh dom kirin û di meha rêbendanê de bi dawî bûn û di encama bombebaranan de li Kobanî rewşa asan saz dibû, ev êrîş dibe ku ji bo pêşîlêgirtina vê yekê be jî. Dibe ku vegerên li Kobanî bi vê yekê bêne rawestandin. DAIŞ bi vê peyama ku Kobanî ne bi ewleye xwest bide.

PÊŞÎLÊGIRTINA OPERASYONA REQQA Û CERABLÛSÊ

Ji tolhilgirtina Tel Ebyadê, moraldayîna mîlîtanên xwe, nîşan bide ku Kobanî ne cihek bi ewle ye wêdetir dibe ku daxwaza stratejîk a DAIŞ'ê ev .e: Hêvî heye ku hêzên YPG û Burkan el Firat bi piştgiriya hewayî ya DYA'yê berê xwe bidin Cerablus û Reqqayê. Ger DAIŞ piştî Tel Ebyad Cerablus û deriyê sînor ê Raî ya li ber wê jî ji dest bide ji ser Tirkiyeyê girtina lojîstîkê dê bi temamî winda bike. Reqqa ku ji ser sînorên Tirkiyeyê xwe têr dike navenda xîlafeta DAIŞ'ê ye. DAIŞ ji bo pêşî li operasyonên li van du cihên krîtîk bigire êrîşê Kobanî kir û bi vê dixwaze YPG ji pozîsyona êrîşê bikişîne pozîsyona xweparastinê. Ji ber ku hêzên YPG'ê li eniyeke gelek fireh belav bû êrîşa li Kobanî hêsantir bûbû.

*26.06.2015, Radikal

Werger: Cemil Oguz 

**

Nûçeyên eleqedar:

- Mebûs çûn ser sînorê Kobanî 

- 'Ji bo Kobanî bibin mertalên zindî' 

- Çeteyên DAIŞ'ê ji Tirkiyeyê ketin Kobanî û sivîl qetil kirin