Diyarname
Festîvala Fîlman a Cannesê 14'ê mehê des pê kir û 25'ê mehê bi belavkirina xelatan bi dawî bû. Derhênerê amerîkî Sean Baker bi fîlmê xwe "Anora" Xelata Palmiyeya Zêrin girt. Çar lîstikvanên jin ên fîlmê "Emilia Perez" bi hev re Xelata Lîstikvana Herî Serketî girtin û bi vî awayî ketin nava dîrokê. Heta niha ev xelat nedabûn çar lîstikvanan. Derhênerê iranî Muhamed Rasulof derketina wî ya derveyî welat hatibû qedexekirin, ew jî reviya bû û çûbû Cannesê. Xelata Taybet a Juriyê dan wî.
Li festîvalê piştî nîşandayînê 13 deqe ji bo fîlmê "The Substance" li çepikan dabûn. Fîlmî Xelata Senaryoya Herî Serketî girt.
Va ne xelatên hatine belavkirin:
- Xelata Palmiyeya Zêrîn: "Anora" / Derhêner Sean Baker.
- Derhênerê Herî Serketî: Miguel Gomes (Bi fîlmê xwe "Grand Tour" beşdar bûbû)
- Xelata Taybet a Juriyê: "The Seed of the Sacred Fig" / Humammed Rasulof
- Xelat Lîstikvanê Herî Serketî: Jesse Plemons (Bi rola di fîlmê "Kinds of Kindness de)
- Senaryoya Herî Serketî: The Substance (Coralie Fargeat ku ew hem derhêner, hem senarîsta fîlm e)
- Xelata Lîstikvana Herî Serketî: Zoe Saldana, Selena Gomez, Karla Sofía Gascón û Adriana Paz bi rola di fîlmêEv  "Emilia Pêrez" de ev xelat girtin.
- Xelata Rûmetê ya Palmiyeya Zêrîn: George Lucas
- Xelata Mezin a Festîvalê: Payal Kapida (Bi fîlmê All We Imagine as Light.
- Kurtefîlmê Herî Serketî: "The Man Who Could Not Remain Silent" / Derhêner Nebojsa Slijepcevic

Coralie Fargeat bi fîlmê xwe Xelata Senaryoya Herî Serketî girt. Temaşevanan 13 deqe ji bo fîlmê wê li çepikan dabûn ku li Cannesê kêm caran tiştên wisa diqewimin.