Rêxistina Efûyê ji Obama hin daxwaz kirin, di nav wan de girtina girtîgeha Guantanamo jî heye.

Rêxistina Efûyê ya Navneteweyî ji serokê nû yê Dewletên Yekbûyî yên Amerîkayê (DYA) Barack Huseyîn Obama xwest ku mafên mirovan bixe nav bernameya xwe. Rêxistinê xwest ku Obama di 100 rojên pêşîn de biryarnameyên li ser qedexekirina mafên mirovan bigire, komîsyoneke serbixwe ava bike ku li ser îhlalên ku di bin navê 'şerê bi terorê re' de hatine kirin lêkolînê bike.
Her wiha Rêxistina Efûyê xwest ku Obama kilît li Girtîgeha Guantanamoyê bide.

Obama di 5'ê vê mehê de ji bo serokatiya DYA'yê hatibû hilbijartin û li gor zagona DYA'yê dê 20'ê rêbendana 2009'an de bi awayekî fermî dest bi peywira xwe bike.