Diyarname

Yek ji tîmên mezin a Serî A'yê ku xwediyê wê Silvio Berlusconî bû êdî di destê çîniyan de ye.

Mehên borî hatibû îdîakirin ku AC Mîlan firotine karsazek ji Çînê. Lê derdora Berlusconî ev îdîa red kiribû. Derket holê ku sedî 75'ê tîmê bi mîlyar û nîv Euro hatiye firotin. AC Mîlan îsal di lîgê de rewşa wê zêde ne baş e. Di Lîga Serî A a Îtalyayê de Juventus ib 72 pûanan di rêza yekemîn de ye. Mîlan bi 43 pûanan di rêza 10'an de ye. Mîlanê maça xwe ya dawî roja 29'ê meha borî limala xwe bi Genoa re lîst û bi 1-3 têk çû. Hat gotin ku karsazên çînî di vê maçê de bi dizî hatin stadê û ji locaya taybet li maçê temaşe kirin.

AC Mîlan 116 sal berê, di sala 1899'an de hatiye avakirin. Stada wê San Siro ye û cihê 80 hezar kesî ji bo rûniştinê heye. Wê heta niha di tûrnûvayên kûpayên UEFA û FÎFA'yê de bi giştî 18 kûpa girtine ku ligel Boca Juniors (Tîma Arjantînê) yek ji tîmên herî mezin ê dinyayê ye. Mîlanê di Lîga Şampiyonan de 7 caran kûpa girtiye biriye mala xwe ku piştî Real Madrîdê tîma duyemîn e ku herî zêde ev kûpa girtiye. Li nav tîmên Îtalyayê jî di Serî A de 18 caran bûye şampiyon ku piştî Juventusê duyemîn tîm e herî zêde li ÎTalyayê bûye şampiyon.