Diyarname

Amed Spor ku di Lîga 2'yemîn a Tirkiyeyî de dilîzî ji bo serdema 2020-2021'ê bilêtên kombîne amade kirin. Bilêtên VIP bi 1000 TL, aliyê rojavayê stadê 500 TL, aliyê rojhilat jî bi 250 TL'yî têne firotin.

Li Tirkiyeyê ji ber vîrusa koronayê niha maç bê temaşevanan têne lîstin. Nîqaş ew e ku serê meha pêşiya me bi awayekî ligel temaşevanan maç bêne lîstin. Ev yek ji bo Amed Sporê jî derbas dibe. Lê klûba Amed Sporê ji ber zordariyên li ser wê ji aliyê aborî ve jî di nav zehmetiyan de ye. Rêveberiya klûbê hem ji bo dema destûr ji bo temaşevanan bê dayîn, hem jî ji bo alîkariya klûbê bilêtên kombîne amade kirin.

Klûb dibêje yên bixwazin bikirin û alîkariyê bikin dikarin ji ser e-store re bilêtên kombine bikirin.

https://amedstore.com.tr/