Diyarname
Komeleya Nivîskarên Kurd a Amedê girtina li ser mehek ceza dayîna rojnameya Azadiya Welat daxuyaniyeke weşand. Komeleyê got: "Biryara girtina ji bo heyvekê, ku ji hêla 12`emîn Dadgeha Cezayê Giran a Stenbolê hatiye wergirtin, li gorî zagonên heyî dibe ku biryareke hiqûqî be. Ev hiqûqiyet nayê wateyê ku ev biryar biryareke rewa û meşrû ye."

Komeleyê da zanîn ku di dinyaya hemdem de yek ji erkên dewletbûyînê di gel ku rêlibervekirina azadiya agahdarkirin û ragihandinê ye, dewleta ku li derveyî welat piştgir û pastariya mafên mirovan û kêmneteweyên tirkên Qibris, çeçenên Rusyayê dike; li hundir, di nava sînorê  welatê xwe de bi zagonên hûşker berê xwe dide zimanê kurdî; çand, wêje û tekane rojnameya qewmê di nava xwe de; Azadiya Welat!
Daxuyaniya komeleyê wiha didome: "Komeleya Nivîskarên Kurd, di pêvajoya lêxwedîderketina li zimanê kurdî de, bi rêya vê daxuyaniyê bangî rayedar û reveberiya dewletê dike, ku hemû xalên astenker yên di nava Zagona Têkoşîna Bi Terorê re’ di ber çavan re derbas bike û xalên navborî yên ku azadiya raman, derbirînê, ragihandine, agahdarkirinê… derbend dike, rake an jî ji nû ve bi şêweyeke rêveker rave bike, da tu kes, tu rojname bi xalên poropagandaya rexistinî neyên tawanbarkirin… Em ê wekî komele li tevî hemû endamên xwe her li gel daxwaza bi şêweyeke azad bikaranîna ziman û daxwazên perwerdeya bi zimanê kurdî bin!"