Diyarname
Lîstikvanê navdar ê Hollywoodê Clint Eastwood ji bo Angelina Jolie wisa got: "Rûyê herî xweşik ê dinê bi wê re ye."
Clint Eastwood û Angelina Jolie şemiya borî beşdarî galaya fîlmê xwe yê nû bûn. Galaya fîlmê bi nave "Changeling" li Festîvala Fîlman a New Yorkê li dar ket. Eastwood û Jolie di galayê de derketin pêşberî çapemeniyê û agahî dan. Eastwood li ser girîngiya Jolie ya ji bo sînemayê sekinî.
Her du lîstikvanan dan zanîn ku fîlmê wan ê ku di meha sermawezê de bikevi vîzyonê dê bi eleqeyeke baş re rû bi rû bimîne.
Eastwood ji bo lîstikvan Angelina Jolie wisa got: "Ez her dem heyranê jîrbûna wê me. Li her derê qala wê tê kirin, ew her berga kovaran dixemlîne. Ew şarezayek e. Tişteke din jî ew xwedî rûyê herî xweşik ê dinyayê ye."