Diyarname

Nûnerê rojnameya Hurriyetê Deniz Zeyrek li ser HDP'ê îro analîzek nivîsî. Li gor nalîzê HDP'ê bendavê derbas bike dê 72 mebûsan derxe û ev reqem jî ji mebûsên MHP'ê yên li meclisê zêdetir in.

Vaye ji nivîsa Zeyrek çend not:

- Li bendê ne ku heyeta HDP'ê îro here Îmralî û roja çarşemê jî here Qendîlê. Heyet di hevdîtinê de dê ji Ocalan fikra wî ya dawî ya li ser hilbijartinê bipirse.

- Ji bo HDP bendavê derbas bike divê 600 hezar dengên din li dengên ku di dema Hilbjartina Serokomariyê de girtine bike.

- HDP difikire ku dê li 32 bajaran mebûsan derxe.

- HDP dike ku potansiyela xwe ya li Anadoliya Navîn û Anadoliya Rojava bikar bîne û here meclisê.

- Ger HDP bendavê derbas neke dê AKP 330 mebûsî zêdetir bi dest bixe. HDP bindavê derbas bike dê 64 mebûsan bi dest bixe. Ger HDP potansiyela xwe ya rojavayê Anadoliya û Anadoliya Navîn baş bikar bîne dê hejmara mebûsên wê derkevin 72'yan.

Têbiniya Diyarnameyê: Niha HDP li meclisa Tirkiyeyê bi 35 mebûsan partiya 4'emîn e. MHP piştî AKP û CHP'ê tê ku bi 52 mebûsan partiya 3'yemîn e. Ger HDP 72 mebûsan bi dest bixe dê bibe partiya 3'yemîn a muxalefetê.

Li Meclisa Tirkiyeyê rewşa niha:

AKP 312 mebûs

CHP 125  mebûs

MHP 52 mebûs

HDP 27  mebûs (Mebûsên serbixwe cuda hatine hesibandin)

Serbixwe 14  mebûs

DBP 1 mebûs

EDP 1  mebûs

DGP 1  mebûs

Milet Partisi 1  mebûs

AP 1  mebûs

Wekî agahiyek: Dîsa îro rojnameya Hurriyetê di nûçeyeke xwe de gotibû ku nûnerên Yekîtiya Ewropayê di civîna bi HDP'ê re ji Demîrtaş re gotine wekî partî hûn beşdarî hilbijartinê bibin hûnê bendavê derbas nekin. HDP'ê li ser vê yekê daxuyaniyek weşand û got ku di civînê de li ser vê meseleyê tu gotin nehatiye kirin û ev nûçe bi temamî derew e.