Stenbol
Polîsan bi ser Çapxaneya Rojnameyê Gunê de girtin û hejmara sibê (ya 25'ê adarê) ya rojnameyê desteser kir.

Rojnameya Ozgur Gundemê bi meheke cezayê girtinê hat cezakirin. 14'emîn Dadgeha Cezayê Giran a Stenbolê bi îdîaya ku nûçe û wêneyên di rûpelên 1, 8, 9 û 11'an de weşandine "propagandaya rêxistinê kiriye" ji bo mehekê cezayê girtinê li rojnameyê birî. Ji bo hejmara rojnemeyê yên îro (24 adar) û sibê (25 adar) jî biryara desteserkirinê hat dayîn. Piştî biryarê polîsan bi ser Çapxaneya Rojnameyê Gunê de girtin û hejmara sibê desteser kir.

Serûvena Ozgur Gundemê

Rojnameya Ozgur Gundemê piştî ku di 30'ê gulana 1992'an dest bi weşana xwe kir, 8 nûçegihan û 19 belavkarên wê hatin qetilkirin. Rojname di 14'yê avrêla 1994'an de hat girtin û piştî 17 salan di 4'ê avrêla 2011'an dîsa derket pêşberî xwendevanên xwe.
Rojnameya Ozgur Gundemê ku xwedî serûveneke dûvedirêj e, gelek caran ji aliyê polîsan ve rastî serdegirtinan hat. 30 jê nûçegihan 76 xebatên wê hatin kuştin. Rojnameya Ozgur Gundemê gelek caran xebatên JÎTEM'ê yên li herêmê û komkujiyên Hîzbullahiyan derbasî rojeva raya giştî kir. Tenê 7 roj piştî dest bi weşana xwe kir nûçegihanê wê Haifz Akdemîr hat kuştin. Piştre Ferhat Tepe, Nazim Babaoglu jî di nav de 30 nûçegihanên wê hatin qetilkirin. Rojnameya ku di dema Rewşa Awarte (OHAL) de qedexe bû, her tim di hedefê de bû. Di encama kiryarên JÎTEM û Hîzbullahiyan de 76 xebatkarên wê jiyana xwe ji dest dan. Rojnameya ku di 17'yê avrêla 1994'an de bi temamî hat girtin, mîrateya xwe di 28'ê avrêla 1994'an de dewrî rojnameya Ozgur Ulkeyê kir. 3 Buroyên vê rojnameyê jî 3'ê berfanbara 1994'an hatin bombebarankirin. Di encama bombebaranê de xebatkarê rojnameyê Ersîn Yildiz jiyana xwe ji dest da û 21 xebatkar jî birîndar bûn.
Ozgur Gundema vê dawiyê jî bi cezaya girtinê hat cezakirin.