Diyarname

Navenda PEN’a Kurd ku 18’ê meha borî li Amedê kongreya xwe li dar xist, di nav rêveberên xwe yên hatine hilbijartin de karbeşiyeke pêk anî. Her wiha PEN’ê ji bo dema pêşiya me xebatên ku de bikin jî bi daxuyaniyeke eşkere kirin.

Li gor daxuyaniya Navenda PEN’a Kurd wan di civîna xwe de karbeşî pêk aniye û kar wisa li rêveberan hatiye parvekirin:

- Şêxmûs Sefer: Serok (Bakur)

- Dr. Bêrîvan Doskî: Cîgira Serok (Başûr)

- Kakşar Oremar: Sekreter (Rojhilat)

- Dilşa Yûsif: Seroka Komîteya Jinan (Başûr-Rojava)

- Muherrem Cebe: Berpirsiyarê Malî, Serokê Komîteya Mafên Ziman û Wergerê (Bakur)

- Perî Salih: Cîgira Seroka Komîteya Jinan (Başûr),

- Salihê Kevirbirî: Berpirsê Pêwendiyên Navxweyî û Kurdistanî (Bakur)

- Îrfan Babaoglu: Serokê Komîteya Nivîskarên di Zindanê de (Bakur)

- Omer Fîdan: Serokê Komîteya Aştiyê (Bakur)

Di daxuyaniyê de tê gotin ku ji her çar parçeyên welêt rêveber di komîteya Navenda Pena Kurd de cih girtine û wê karên xwe jî bi hişmendiyeke kurdîstanî bimeşînin. Her wiha bal kişandine ser hilbijartin sê jinan ku bi awayekî aktîf di rêvebiriyê de cih girtine û ev yek ji bo pêşketina zayendiya civakî ya kurdan wekî pîvaneke serkeftinê nirxandin.

PEN’a Kurd di daxuyaniya xwe de dibêje ku ji bo çar komîteyên sereke yên Pena Navnetewî karbeşî hatiyee kirin û pêre nûnerên welat û berpisiyarên buroyan hatin destnîşankirin. 

Li gor daxuyaniyê di meha pêşiya me de wê şandek ji PEN‘a Kurd ji bo danûstendin û endamkirina nivîskarên başûr ji bo PEN‘a Kurd tekilî deyne û li bajarên navendî yên mîna Duhok, Hewlêr û Silêmaniyê civînan lidarbixe. Her wisa şandeyek PEN‘a Kurd ku ji sê kesan pêk tê amadekariya xwe ji bo beşdarbûna Kongreya PEN‘a Navnetewî dike ku îsal wê li welatê Îzlandayê bajarê Reykjavicê di meha 9’an de li dar bikeve..

PEN’ê di dawiya daxuyaniya xwe de wisa gotiye: "Wekî tê zanîn xebata ku li ser çand, ziman û wêjeya kurdî tê kirin çiqas karekî takekesî be jî ew qas karekî kolektîf e. Em wekî Komîteya Birêveber ya Giştî li benda pêşniyar û alîkariyên we ne. Berpirsiyariya me hemûyan e ku divê em berjewendiya çand, ziman û wêjeya kurdi biparêzîn û ji sînorên lokal u nawçegeriyê derbaz bikin û doza azadiya ziman, wêje û çanda xwe di nav dozan de bigehînin lêwara aştî û azadiyê. Parastina serxwebûna Navenda PEN‘a Kurd, yekgirtina endaman û berjewendiyên gelê kurd bingeha lihevhatina me ye."