Diyarname

'Sassoon Kodeks' wekî Încîlê herî kevn ê bi zimanê îbraniya kevn tê hesibandin niha bi mezatê dê bê firotin. Încîlê ku di dawiya sedsala 9'an, destpêka sedsala 10'an de hatine amadekirin bi buhaya navbera 30-50 mîlyon dolarî de dikeve mezatê.

Di sala 1942'yan de David Soloman Sassoon miribû. Ev Încîl navê xwe ji wî digire, loma încîla "Sassoon Kodeks" tê bi navkirin. Sassoon di 8 saliya xwe de hemû încîl ji ber dizanî. 

Mezatxaneya Sotheby's dê pirtûkê derxe mezatê. Ji Sotheby'sê pispor Sharon Liberman Mintz wisa gotiye, "Pirtûka pîroz a bi îbranî bi sedan salan şahidiya veguherîna bingeha medeniyet, huner, çand, hiqûq, siyasetê kiriye."
Li aliyê din ev încîl bi îbraniya kevn wekî încîlê bê qisûr û yê herî kevn tê hesibandin. Le tê gotin ku dîsa jî 12 pelên wê kêm in.

Ev 40 sal bûn ev pirtûk nedihatibû pêşkêş kirin. Berî firotinê dê li bajarên wekî London, Tel Avîv, Dallas, Los Angeles û New Yorkê bê pêşkêş kirin. Di meha gulanê de li New Yorkê ev pirtûk dê bê firotin û li bendê ne ku wekî belgeya dîrokî ya herî buha bê firotin.

Di warê buhabûna pirtûkên dîrokî de rekor di destê Zagona Bingehîn a DYA'yê de ye. Ken Griffin di sala 2021'ê de çapa yekem a Zagona Bingehîn a DYA'yê bi 43,2 mîlyon dolarî kirîbû. Li aliyê din, di sala 1994'an de Bill Gates destnivîsek Leonardo da Vinci bi 30,8 mîlyon dolarî ku bi buhabûna xwe di rêzê de ye.