DiyarName.Com

BÊDENGÎ

Dîrok: 02/11/2012

Wextê sî û çar deng, bûn siyek sor, welatekî vegirtin, Ji dilê min hat helbestekê lê bikim, min lê nekir; ger min lêkira ê dilê min rihet bûya; siya sor, her ma li ser dilê min!

Wextê hîs dikim ku henaseyên bedenên birçî, li dîwaran dibin deng, ji dilê min tê, helbestekê lê bikim, lê nakim; reng bi dengê min nakeve!

Arjen, li dû mirina te, min nexwest helbest lê bikim; te helbesta xwe nivîsîbû… Mirinên bêwext, ger qelemeke, ‘ramûsanên xwe’ veneşartibe, rojekê, helbesta ‘mirinên bêwext’ lê bike, ez ê dengekî li miriyekî bikim, bêjim, rabe, li welatê te, ramûsan nayên veşartin…

cihanacirokan@hotmail.com

Hin Nivîsen Nivîskar

Bandora travmayê û wekî cîwar Mêrdîn

05 Gulan 2009

Sê sal bû ez li ser romana “Gîtara Bê Têl” dixebitîm. Di pêvajoya nivîsînê de carek din ez bûm şahid ku cîwar ji bo berhemekê gelek...

Weşandina pirtûkan û e-pirtûk*

24 Tebax 2016

Di serî de vê bêjim, li gorî min, çi kesa/ê hewl dabe mishefa xwe biweşîne û kê mishefa xwe bi çi awayî weşandibe jî ji ber mercên aniha normal e....

“MUZE” YAN “MUZEXANE”

15 Avrêl 2016

Di nivîskariya bi sêwirîn an jî honakî de peyv gelek muhîm in; ya ku taqet, reng û derfetê dide qelema nivîskêr peyv in. Bi taybetî jî ji alî...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.