ew qas asaq, û şîn û girî
ew qas hepsên tijî kirî;
bayê payîzê ma çi nekir,
ma çi hişt ne xerakirî!
ji wê sibê heya niha
nesekinî li tu ciha.
kesek bi me ve negiha
ma çi hişt li devê derî?
geh bi girtin û kuştinê
berê me da tim mirinê
li pêş çavê vêqa dinê
em xistin nav şîn û girî.
ev du sal e, bi roj û meh
yeka me kir, li me kir deh
li vî welatê mêtingeh
ma çi hişt ji me ne-birî?
dewran e, dem wilo nare
geh payîz e, geh bihar e.
zordarî qet nebû çare
di dîrokê de, ya bihurî....
82/Nisébîn
*Ev helbest cara ewil li Swêdê di Berbangê de weşiya ye
Sala ku weşiyaye nayê bîra min.
.jpg)
.jpg)
