Diyarname
Kurdekî ji Rojava yê bi navê Îsmaîl Sadik ku par li Rojava di êrîşekê de birîndar bûbû ji bo dermankirinê ew anîbûn Mêrdînê. Ew û 3 kesên ji bo dermankirina wî bûbûn alîkar di 8'ê sermaweza 2013'yan de hatin binçavkirin û hatin girtin. Derbarê wan de bi sûcdariya "Endamên rêxistina terorê" îdîaname hate amadekirin û ji bo 8'emîn Dadgeha Cezayê Giran a Amedê şandin. Piştî dadgehê biryara "bêpeywirî û bêrayeyê" da, dosya careke din ji bo 2'yemîn Dadgeha Cezayên Giran a Mêrdînê hate şandin. Dadgehê Îsmaîl Sadik bi îdîaya endamê rêxistinê ye 7 sal û 6 meh cezayê girtîgehê ceza kir û kesên bi Îsmaîl Sadik hatin darizandin Z.A. ji zagona poşmaniyê fêde girt û 5 sal ceza girt. Dadgehê derbarê 2 kesên din de jî biryara beatê da.
Ya balkêş dadgehê YPG wekî terorîst bi nav kir û xala din a balkêş jî ew e ku li Tirkiyeyê dadgeh bi salan didomin, lê di vê dozê de di danişîna yekemîn de ceza lê hate birîn.
Parêzerê Îsamîl Sadik Alî Kahraman jî diyar kir ku ligel muwekîlê wî gotiye ew endamê YPG'ê nîn e jî bêhiqûqî hhatiye kirin û ceza lê hatiye birîîn. Kahraman wisa got: "Di rûniştina yekemîn de dadgehê ligel hê delîl nehatine komkirin jî ceza da. Helwesat dadgehê bi armanca kurdê Rojavayî wekî dijmin ceza kir. Îsmaîl Sadik di nava sînorên Tirkiyeyê de tu sûc nekiriye. Di TCK'ê de jî têklidarî PYD'ê de tu pênaseyên hiqûqî tune ne. Dadgehê li gor kêfa xwe ceza li Sadik birî."