Diyarname

Berî ku Kûpaya Cîhanê ya 2018'an dest pê bike kesek rabûya bigota dê "Koreya Başûr Almanyayê têk bibe û Almanyayê bişîne mala xwe" dê kesî bawer nekira. Lê ev çêbû: Maçên sêyem ên Koma F îro hatin lîstin. Şampiyonê dawî, yê ku di sala 2014'an de Kûpaya Cîhanê biribû mala xwe îro derket pêşberî Koreya Başûr. Koreya Başûr pergala panzêran xira kir, malik li wan wêran kir, di deqîqeyên dawî de, yanê deqe 90+3 de bi gola Y G Kim û di 90+6 de bi gola H M Son Almanya bi 2-0 têk bir û alman şandin mala wan.

Berî maçê Almanya xwedî 3 pûanan bû û jêre serketin lazim bû. Koreya Başûr bê pûan bû û tu îdîaya wê di nav komê de nemabû. Bi vê têkçûnê Almanya têk çû ku vegeriya mala xwe; her ku Koreya Başûr e di nav komê de ev pûanên girtin bi kêrî wê nehat lê di dawiyê de ji bo wê bû prestîj û xalek nû li dîroka xwe ya sporê kir.

Di maça din de Meksîka bi 6 pûanan, Swêd bi 3 pûanan bû û her du derketin pêşberî hev. Swêdê bi 3 -0 Meksîka têk bir: Augustinsson dq 50, Granqfist dq 62 (ji penalti) û Avarez dq 74 (avêt keleha xwe) li ser navê Swêdê gol avêtin. Bi vê Swêd wekî yekemînê komê, Meksîka wekî duyemînê komê ji nav komê derketin û derbasî nav Dora 16'an bûn.

Brezîlya 3 gol avêtin
Di Koma E de jî Brezîlya û Sirbistan hatin hemberî hev. Brezîlyayê 3 gol avêtin Sirbistanê û bi 7 pûanan wekî yekemîna komê derket.
Di maça din de jî Swîsre û Kosta Rîka hatin hemberî hev. Maç bi wekhevî bi dawî bû: 2-2. Bi vê Swîsre bi 5 pûanan wekî duyemîn ji komê derket.
Di encamê de yekemînê Koma E'yê Brezîlya û duyemînê Koma F Meksîka bûn reqîbên hev.
Yekemînê Koma F Swêd û duyemînê Koma E Swîsre bûn reqîbê hev. 

***

Ji bo agahiyên berfirehtir fermo rûpela me ya taybet:

- RÛPELA TAYBET A KÛPAYA CÎHANÊ 2018