Diyarname

Heyeta KCD, HDP û DBP'ê têkildarî kongreya neteweyî, parastina hevbeş û rewşa Şengalê bi rayedarên KCK'ê û Serokkomarê Iraqê yê berê Celal Talabanî re hevdîtinê pêk anîn. Endamên Heyetê silavên Rêberê Gelê Kurd Abdullah Ocalan ji Talabanî re ragihandin.

Heyeta ku ji Hevseroka KCD'ê Selma Irmak, Hevserokên HDP'ê Selahattîn Demîrtaş û Fîgen Yuksekdag, Hevseroka DBP'ê Emîne Ayna, Hevşaredarê Bajarê Mezin ê Mêrdînê Ahmet Turk û gelek kesên din pêk tê duh li Qendîlê li bi rayedarên KCK'ê re hevdîtin pêk anîn û îro jî li Silêmaniyê bi Serokomarê Iraqê yê berê û Serokê YNK'ê Celal Talabanî û rayedarên YNK'ê re hevdîtin pêk anîn.

Ji hevdîtinê ev wêneyê rûken hat pêşkêş kirin. Em jî vê wêneyê wekî wêneyê rojê hildibijêrin û pêşkêşî we dikin.

Wekî notek: Di hevdîtinê de silavên Ocalan ragihandin Talabanî, her wiha li ser yekîtiya neteweyî, alîkariyên ji bo Şengal û Nînova axivîne. Heyet sibê jî ji bo bi Serokê Herêma Kurdistana Federal Mesûd Barzanî û Serokwezîr Nêçîrvan Barzanî re hevdîtinê pêk bîne dê here Hewlêrê.