Diyarname

Di kongreya BDP'ê de berendamêvn Hevserokatiya BDP'ê Kamuran Yuksek û Emîne axivîn. Yuksek wisa got: "Emê ji bo Rojava xebata seferberiyê bidin dest pê kirin. Ger em li xweşk û birayên xwe yên li wê derê difikirin tiştên ku em ji bo wan bikin miheqeq hene. Kongreya me di heman demê de dê bibe destpêkek ji bo vê yekê." Berendama Hevserokatiyê Ayna jî got ku berpirsiyariya wan a herî girîng azadiya birêz Ocalan e.

Kongreya BDP'ê didome. Her du Berendamên Hevseroka BDP'ê Emîne Ayna û Kamûran Yuksek axivîn. Vane ji axaftina wan hin not:

Emîne Ayna

- Hedefa me ya herî kurd azadiya birêz Serok Ocalan e. Em ji pêvajoya çareseriyê re derbas dibin. Hêvî û daxwazên me yên mezin hene. Emê bibin partiyeke ku van hêvî û daxwazên xwe bînin cih.

- Wateya kongreya me pêşerojeke azad e. Emê bi hêz û daxwazeke mezin ji bo azadiyê bixebitin.

Kamuran Yuksek:

- Bi keda berxwêdêrên 14'ê Tîrmehê M. Hayri Durmuş, Kemal Pir, Ali Çiçekan em li vir in

- Ji her demê zêdetir derfet hene ku gelên me bigihîjin azadiya xwe, ligel gelên din di nav aştiyê de bijîn. 

- Hedefa me ya bingehîn ew e ku em xweseriya demokratîk pêş bixin. Emê zêdetir xweseriya demokratîk bixin rojevê, pêvajoya ku Ocalan daye dest pê kirin û bi rê ve dibe jî vê yekê nîşan dide.

- Gere aliyên tirk jî xwedî li vê pêvajoya çareseriyê derên. Hemû betal, feqîr, keddar, ev pêvajo ji bo wan, ji bo kurdan û gelên din tiştek jiyanî ye. Nexwe dê Tirkiye bibe wekî sûrî, Iraq, dê pêvajoyeke wekî Misrê çêbibe. 

Meseleya Pêvajoyê

- AKP gere dest ji berjewendiyên taktîkî berde, ji bo demokratîkbûyînê gavên cidîtir biavêje. Bi taybetî ji bo muzakereyan rewşa birêz Ocalan muhîm e. Pêdivî bi mercên azadiyê hene. Gere ew xwe bigihîne gel, xwe bigihîne derdorên din û bi wan re nîqaş bike. Gere AKP bilez van gavan bîne cih.

Meseleya Rojava

- Tiştên li Rojava têne jiyîn ji bo herêmê girîng in. Ev model ji bo ereb, ermen, ji bo yên ne misliman e jî. Lê ji ber polîtîkayên Tirkiyeyê, polîtîkayên hikumeta Başûrê Kurdistanê şoreşa Rojava di nav tengasî û zehmetiyan de ye. Em dibînin li Kobanî çi tê jiyîn. Gere em bizanin ku berî şer û pevçûnan xwişk û birayên me yên li wê derê bi birçîbûnê re rû bi rû ne. Kobanî di bin ambargoya xurekê de ye. Hindik maye drameke mirovahiyê çêbibe. Sibê dibe mirov nikaribin nan bibînin. Ger em li xwişk û birayên xwe yên li wê derê difikirin miheqeq tiştên em bikin hene. Ji bo piştgiriya gelê me û çareserkirina pêdiviyên wan gere em seferberiyeke bidin dest pê kirin. Kongreya me dê ji bo tişteke wisa bibe destpêkek û ev yek di nav peywirê me yên pêşî de ye. Li ser vê yekê dê xebatên me hebin. Ji bo têkbirina ambargoyê ez dixwazim bînim ziman ku emê xebatê bidin dest pê kirin. Baweriya me ew e ku gere polîtîkaya PDK û Tirkiyeyê ya di vî warî de biguhere.

...kongre didome. emê agahiyan berê ve ragihînin...

**

Nûçeya eleqedar:

- Notên ji Kongreya BDP'ê