Diyarname

Festîvala Fîlman a Sûc û Cezayê bi merasimek dest pê kir. Heta 2'yê meha pêşiya me fîlmên li ser hiqûqê dê li pêş temaşevanan bin.

Festîvala Fîlman a Sûc û Cezayê ji aliyê Beşa Hiqûqê ya Zanîngeha Stenbolê ve ji sala 2011'an ve tê lidar xistin. Festîval îsal 11'emîn car li dar ket. Ji bo destpêkirina festîvala îsal li Mala Çandê ya Nazim Hîkmet a Şaredaiya Şîşliya Stenbolê merasimek li dar ket. Di merasima ku Pınar Altug Atacan û Hakan Bilgin pêşkêşvaniya wê kirin de xelatên rûmetê û kedê hatin belavkirin. 

'EM DIJÎ ŞÎDETA LI SER JINAN IN'

Serokê Festîvalê Prof. Dr. Adem Sozuer axaftina destpêkê kir. Sozuer di axaftina xwe de bal kişand ser şîdeta li ser jinan ku merasim jî rastî "Roja Têkoşîna Dijî Şîdeta Li Ser Jinan a Navneteweyî" hat û got: "Em hemû bi hev re ji şîdeta li ser jinan re na dibêjin."

Dîrektora Festîvalê Bengî Semercî li ser naveroka festîvalê sekinî û diyar kir ku ji ber ku îsal ew dê bikaribin fîlman di salonan de nîşan bidin ew kêfxweş in.

XELATÊN RÛMET Û KEDÊ

Di şevê de Xelata Rûmetê dan derhênera afganî Sahraa Karimi. Karimi di axaftina xwe de got, "Jinên afgan jinên herî jîr ên dinyayê ne. Em ne ji bo ku bibin jinên ji rêzê ji bo em bibin xwedî nasnameya xwe em têdikoşin. Talîban ditirse rastî jinên xurt ên afgan bê. Ji kerema xwe piştgirî nedin Talîbanê."

Xelata Keda ji bo Sînemayê dan Hulya Uçansu ku wê bi salan di bin banê ÎKSV'ê de ked da Festîvala Stenbolê. Xelata Rûmetê dan derhêner Reîs Çelîk û 

Xelata Rûmetê ya Akademîk jî dan Sargun Ali Tont.

Festîval dike ku bi zimanê huner û zanistê, li ser mafê mirovan û azadiyan di çarçoveya edaletê de fîlman pêşkêş bike. Îsal jî di vê çarçoveyê de fîlmên metrajdirêj û kurtefîlm hilbijartin.

PÊŞBAZIYÊN FESTÎVALÊ

Di festîvalê de di warê "Pêşbaziya Fîlmên Metrajdirêj ên Navneteweyî Xelata Teraziya Zêrîn", "Pêşbaziya Kurtefîlmên Navneteweyî Xelata Teraziya Zêrîn", "Pêşbaziya Fîlmên Xwendekaran" û "Tezariya Edaletê" de xelat têne belavkirin. Di dawiya festîvalê de fîlmên di van beşan de bi ser ketine dê bêne xelatkirin. Li aliyê din bernameyeke bi navê "Bernameya Hiqûq û Edaleta Cezayê ya Naventeweyî" û "Rojên Endustriyê ya VisionIST" li dar dikeve.

Festîvalê îsal wekî mijara bingehîn  "Edaleta Hawirê" hilbijartiye. Fîlmên ku di çarçoveya "Pêşbaziya Fîlmên Metrajdirêj ên Navneteweyî Xelata Teraziya Zêrîn" de bêne nîşandayîn ev in:

FÎLMÊN LI DÛ TEZARIYA ZÊRÎN

- 107 ANNE -107 MOTHERS (Komara Çek, Komara Slovak, Ukrayna 2021), Derhêner Peter Kerekes

- ALİ’NİN TABİÂTI-ALİ’S NATURE (Tirkiye, 2020), Derhêner Levent Çetin

- AVRUPA-EUROPA (Irak, Kuweyt, Îtalya 2021), Derhêner Haider Rashid

- BEMBEYAZ-PURE WHITE (Tirkiye, 2021), Derhêner Necip Çaghan Ozdemir

- BEYAZ İNEK İÇİN BALAD -GHASİDEYEH GAVE SEFİD (Îran, Fransa, 2020), Derhêner Behtash Sanaeeha, Maryam Moghaddam

- DENGE- A BALANCE (Japonya, 2020), Derhêner Yujiro Harumoto

- KIZ KARDEŞLİK-SESTRİ (Makedonyaya Bakur, Kosova,  Monteregro, 2021) Derhêner Dina Duma

- LİNGUİ, KUTSAL BAGLAR- LINGUI, THE SACRED BONDS (Çad, Fransa, Almanya, Belçîka, 2021), Derhêner Mahamat-Saleh Haroun

- SİVİL VATANDAŞ - LA CİVİL (Meksîka, Belçîka, Romanya, 2021), Derhêner Teodora Ana Mihai

- YARAMAZ ÇOCUKLAR -LES ENFANTS TERRIBLES (Fransa, Almanya, Tirkiye, 2021), Derhêner Ahmet Necdet Çupur

***

Nûçeyê Eleqedar:

- Li ser navê jinên afgan xelatê didin Sahra Karimi 

- Juriya Festîvala Sûc û Cezayê diyar bû