Diyarname

Di Koma C de piştî Colombiyayê Yewnanistanê di deqîqeya dawî de got ez heme û ji komê derket. 

Maç êvara 24'ê mehê di navbera Yewnanistan û Qeraja Aj de bû. Yewnanistan bi yek pûanî, Qeraja Ax 3 pûanên wê hebûn. Di deqîqeya 42'yan de li ser navê Yewnanistanê Anrreas Samaris golek avêt û hêviya Yewnanistanê heta nîveka duyem bir. Di deqîqeya 74'an de Wilfried Bony li ser navê Qeraxa Aj gol avêt û kir ku hêviya Yewnanistanê têk bibe ji ber ku ji bo Qeraja Aj pûanek têr dikir. Lê Yewnanistanê heta deqeya dawî dest ji maçê ber neda. Di deqîqeya 90+1 de Georgios Samaras li pêşiya qeleyê ji aliyê Giovanni Sio ve li erdê hat xistin û hakêm biryara penaltiyê da. Georgios Samaras penalti avêt û bû gol: 2-1. Bi vê encamê Yewnanistanê 3 pûan girtin û pişkî Kolombiya wekî duyemînê komê ji komê derket çû nava 16'ên serketî.

Di maça din de Kolombiyayê Japonya bi 4-1 têk bir û ew şand mala wê.

Îtalya jî çû!
Surprîzek din jî di Koma D de bû. Ji tîmên mezin piştî Spanya, Îngistanê, yek ji tîmên mezin Îtalya jî xatir ji tûrnûvayê xwest. Îtalya û Ûrûgûay derketin pêşberî hev. Di maçê de deqîqeya 81'ê de Diego Godin li ser navê Ûrûgûay golek avêt û wekî duyemînê komê ji komê derket. Bi vê encamê Îtalya jî vegeriya mala xwe. Di komê de Kosta Rîca wekî yekemînê komê derket nav 16'ên serketî.