Diyarname
Komara Gel a Çînê wêneyê avakarê xwe Mao ji ser pereyan xwe Yuanê derxist.

Ji bo Lîstikên Olimpiyatê Çînê 6 mîlyon banknotên nû çap kir, lê wêneyên Mao li ser van banknotan bi cih nekir.
Li aliyê pêş ê banknotan Stada Olîmpiyatê ya Pekînê û aliyê paş jî cih da peykenek di serdema Yewnana Kevn de. Hate gotin ku pereyên kevn ên ku wêneyê Mao li ser e dê ji piyaseyê neyên rakirin.

Li Çînê li ser hemû pereyên qaxizîn û hesinîn wêneyê Mao heye. Berê hatibû pêşniyar kirin ku ji dêvla wêneyê Mao wêneyê Deng Şiaoping ku di navbera salên 1978-1990'î de welat bi rê ve biriye bê bicih kirin lê nehatibû qebûlkirin.
Deng Şiaoping ku wekî mîmarê modernkirina Çînê tê binavkirin, di heman demê de wekî kesê ku çanda Mao Zedung xira kiriye jî tê nasîn.