Diyarname

Derhêner û mamoste Sabite Kaya berendama Şaredariya Gimgima Mûşê ye. Kaya bi dengên gel bû berendam.

Ji bo pêşberendamtiyê li Gimgimê 6 jinan serî li BDP'ê dabûn. Ji bo wan pêşhilbijartin li dar ket. Di pêşhilbijartina ku 289 deng hatin bikaranîn de mamoste û derhêner Sabite Kaya bi ser ket. 

Ne tenê Gimgim li tu derê BDP'ê hê bi awayekî fermî berendamên xwe eşkere nekirine. Lê li cihên di pêşberendamtiyê de serketin çêbûne û kesên bi ser ketine wekî berendam dê nîşan bide.

Sabite Kaya kî ye?

Sabite Kaya di sala 1970'ê de li Gimgima Mûşê hatiye dinê. Fakulteya Perwerdehî ya Pîşeyê ya Zanîngeha Gazî xelas kiriye. Li Navenda Çanda Mezopotamyayê de di hin lîstikên şanoyê de lîstiye. Wê kurtefîlmekî bi navê "Herşey Bembeya" (Her tişt çîl spî) û belgefîlmê bi navê "Dotmam" kişand. Piştî vê belgefîlmekî bi navê "Bedensiz Ruhlar" (Rihên Bêcan) kişand ku bi vî belgefîlmî li Antalyayê Xelata Belgefîlmê Herî Serketî girt.