COLEMÊRG
Bi hezaran Geverî ji ber darvekirina 2 endamên PJAK’ê ber bi Deriyê Sinor yê Bajargehê ve meşiyan û darvekirin protesto kirin.
Li navçeya Gever ya Colemêrgê bipêşengiya BDP’a Geverê bi hezaran Geverî ji bo protestokirina darvekirina girtiyên siyasî ên Kurd 26’ê Cotmehê Hebîbûlah Gulperîpûr li Urmiye û Riza Îsmaîlî Mamedî li Selmasê ji aliyê rejima Îslamî ya Îranê ve ber bi Deriyê Sinor yê Bajargehê ve meşiyan.
Endamê MP BDP’ê Abidîn Enîş, Serokê BDP’a Colemêrgê Rehmî Kurd, Endamên Meclisa Giştî ya Bajar, Serokê BDP’a Geverê Naîl Dûrmaz, Serokê BDP’a Şemzînanê Cebar Taş, Serokê BDP’a Çelê Serwet Tunç, Serokê BDP’a Bajarokê Bajargehê Tehsîn Kaya, Wekîlê Şaredarê Colemêrgê Abdulah Kiliç, Şaredarê Geverê Ercan Bora, Şaredarê Geverê Sedat Tore, Wekîlê Şaredarê Bajargehê Tacedîn Şefali, endamên Meclisa Şaredariya Bajar û Navçeyan, Înîsiyatîfa Dayîkên Aştiyê, Serokê Şaxa Kurdî-Der ya Geverê, nûnerên rêxistina bajar û navçeyan ya KESK û DÎSK’ê jî di nav de heyî bi hezaran kes beşdarî meşê bûn.
Li gel xelkê Geverê, ji navçe û Colemêrgê jî beşdarî meşê bûn. Bi sedan kesên ku 3 km mayî ji Bajarokê Bajargehê bi hezaran kes ji wesayîtên xwe hatin xwar û ber bi deriyê sinor ve meşiyan û pankartên “Îran sebra me neceribîne, ew ben dê bikeve stoyê te”, “Li çiya PKK, li kolana YDG-H”, “Şehîdên me yên Xakurkê bêmirinin”, “Ev gel dê jiyaneke bê Serokatî qebûl neke, bila faşîstên komploger bicehnimin” vekirin.
Mesa ku li ber Deriyê Gumrikê yê Bajargehê bidawî bû, Serokê BDP’a Geverê Naîl Dûrmaz axivî û got: “Pêwîste îro dengê me ji vir bigehe Tehranê. Bila Îran dengê me bibihîze” û darvekirina Gulperîpûr û Mamedî şermezar kir.
Piştî Dûrmaz Serokê BDP’a Colemêrgê Rehmî Kurt axivî û balkişande ser dîwarê şerê ê li ser sinorê Rojava tê çêkirin.
Kurt da diyarkirin ku, sinorên dest çêkirî dê nekarin li pêşiya yeketiya gelê Kurd bibin asteng, yên ku bi salan dijminahiya Kurdan kirin, Kurdistan kirin 4 perçe. Em û welatiyên me ên aliyê din yê sinor birayê hevin. Em weke gûşt û neynokin. Nikarin me ji hev bikin. Yên ku pêvajoya çareseriyê ya Birêz Ocalan pêşxistî firsend dibînin, di navbera xwiş û birayan de dîwar çêdikin. Em weke gelê Kurd bêy ku bêzar bibîn dê çalakiyên xwe yên protestoyî berdewam bikîn û dê wî dîwarî birûxînîn.”
Kurt bertek nîşanî darvekirina girtiyên siyasî ên Kurd ji aliyê rejima Îranê ve jî da û wiha got: “Beriya çend rojan 2 hevalên me ên Kurd ji aliyê dewleta Îranê ve hatin darvekirin. Bila Îran baş bizane, yên beriya wan jî û yên piştî wan nî nekarîn gelê Kurd bitewînin û nikarin bitewînin jî.”
Rehmî Kurt, Behzat Ozer yê 8 salî ku ji ber zêdehiyên teqemeniya leşkeran jiyana xwe ji dest dayî bibîr anî û wiha axivî: “Ji mirina Ozer dewlet berpirsyare.”
Endamê Meclisa Partiya BDP’ê Abidîn Enîş jî da diyarkirin ku, bi salane hikumetek weke Îranê, hertim sîstema dagirkeriyê di bin navê polîtîkayên Îsalmî de meşiyan diye û got: “Lê belê sîstemên ku dibêjin em Îslamin, tu eleqeya wan bi Îslamiyetê re tune ye. Bisalane kesên ku dibêjin ‘Ez kurdim’ dewletên derdor dibêjin ‘hûn cûdakarin, terorîstin’ dikujin. Em ji wan re dibêjin, cûdakar hûnin, terrorist jî hûnin. Em li vir bang li cîhanê dikîn. Ev ciwanên hatin kuştin, ji ber çi hatin kuştin? Gelo dizî kirin? Na, weke her kesê wan jî daxwaza mafê xwe yê mirovî kirin. Gotin em kurdin û ew kuştin. Şermek mezine ku gelên cîhanê li hemberî van komkujiyan bêdeng dimîne.”
Piştî axaftinan girse ber bi Geverê ve ket tevgerê.