Diyarname
Siyasetmedarê kurdOrhan Doğan di 25'ê tîrmeha 1955'an de li gundê Xelîla ya Kerborana Mêrdîn'ê hatiye dinê. Dogan, ji ber karê bavê xwe xwendina xwe li gelek cihên cihê pêk anî û li cihên cur bi cur mezin bû. Wî di sala 1974'an de li Enqereyê li  Fakûlteya Hiqûqê dest bi xewndinê kir û piştî kutakirina zanîngehê bû parêzer. Di dema parêzerî de li ser mafê kurdan xebitî, her wiha bi siyasetê re jî.
Dogan, bi damezirandina partiyê de di nava HEP'ê de cih girt, di hilbijartina 1991'ê de wekî parlementer hat hilbijartin. Dogan û hevalên wî paşê Partiya Demokrasiyê (DEP) ava kirin û derbasî wê bûn.
Di sala 1994'an de bi darê zorê Doğan û parlamentêrên kurd ên DEP'î ji aliyê polîsan ji meclîsê hatin binçavkirin û ew avêtin girtîgehê.

Orhan Dogan, Leyla Zana, Selîm Sadak, Hatîp Dîcle nêzî 11 salan di girtîgehê de man û piştî ku serbest hatin berdan li derve xebatên xwe yên siyasî domandin.

Dogan di di Festîvala Çand û Hunerê ya Ehmedê Xanî ya Bazîdê de dema axaftina xwe dikir qeyrana dil derbas kir û ew rakirin nexweşxaneyê. Dogan di 29'ê pûşpera 2007'an de li nexweşxaneyê jiyana xwe ji dest da.
Dogan zewicî û bavê 5 zarokan bû.

Wekî notek: Mebûsên DEP'ê yên berê Hatîp Dîcle, Selîm Sadak, Mebûsên DTP'ê Gultan Kişanak, Sevahir Bayindir, Endamên Meclisa Aştiyê  Seydi iırat, Şirin Tunç, Aygul Bidav, Ali İbrahim Tutu, Hakan Tahmaz, Ahmet Kardan, Şaredarê Sûrê ê ku ji kar hat girtin Abdullah Demirbaş,  ji DTP'ê Kemal Aktaş, Fadil Bedirhanoglu, İzzet Belge, Şaredarê Şirnexê Ahmet Ertak, Şaredarê Silopî Muhsin Kunur, Şaredarê Kercewsê Resul Sadak, Cîgirê Şaredarê Cizîrê Ahmet Dalmiş, Şaredarê Cizîrê yê ji kar hatî girtin Aydin Budak jî di nav de bi beşdariya hezar kesî paneleke bîranînê hate li dar xistin.