NAVENDA NÛÇEYAN

Partiya Demokratîk a Kurdistanê (PDK) li Zaxo navenda Partiya Çareseriya Demokratîk a Kurdistanê (PÇDK) girt.

Duh saet 13:00’an de polîs û asayîşa PDK’ê li bajarê Zaxo nûneriya  PÇDK’ê girtin û lewheya PÇDK’ê daxistin û li beramberî endamên PÇDK’ê bêrêzî kirin.

Endama Desteya Rêveberiya PÇDK’ê ya devera Bedînan Derya Xelîl Ehmed da diyar kirin ku, polîsên bajarê Zaxoyê li ser nûneriya wan de girtiye û li hemberî endamên wan bêrêzî kirine û got: “Duh nîvro polîsan li ser navenda bajarê Zaxo ya partiya me de girtin. Bêrîzeyekî mezin li hemberî endamên me kirin. Ji endamên me re gotine divê di nava 24 seaten de navendê vala bikin.”

Xelîl got ku nûneriya partiya wan wekî hemû partiyên siyasî wan jî di dema hilbijartinê de vekirine û niha jî karên rêxistinî yên partiya xwe tê de bi rê ve dibin.

Her wiha Xelîl ev helwesta desthildariya PDK’ê bi zimanekî tund şermezar kir û got:  “Ev biryara wan li gorî me qet rewa bûna xwe nîn e.”

ANF