Diyarname
Lîstikvana navdar Hulya Avşarr wê di "72. Koguş"ê de bibe Fahmaya girtî.

Berhema nivîskar Orhan Kemal "72. Koguş" (Menzela 72'yan) heta niha bû lîstika şanoyê û derket ser dikê. Bû fîlm û li sînemayan hat nîşandayîn. Ev berhem niha careke din wekî fîlm tê kişandin. Di fîlm de lîstikvan Hulya Avşar piştî salan careke din derdikeve ser dikê û di fîlm de wê rola Fatmayê bilîze.

Berhema ku di sala 1987'an de ji aliyê Erdogaın Tokatli ve hat kişandin têde kesên wekî Kadir İnanir, Halil Ergun, Tulay Arda, Menderes Samancilar, Savaş Yurttaş lîstibû. Niha jî Sasin Film Yapim ku Kerem Alişik û Yavuz Bingol bi hev re ava kirine vê berhemê dike fîlm.

Orhan Kemal di navbera salên 1953-1958'an de ev berhem nivîsandibû. Li gor agahiyên ku gihîştin ber destê me fîlm di 4'ê adara 2011'an de bikeve vîzyonê. Ji bo rola Fatma jî Hulya Avşar guncan dîtine û wê ew têde bilîze. Fatma di fîlm de hezkiriya platonîk ê 'Kaptan' e ku Yavuz Bingol vê rolê dilîze. Fatma girtiyek e û jêre hindik maye ku bê berdan. Ji bo dema bê berdan di destê wê de hinek pere hebin li girtîgehê kincan dişo.

Fîlmê ku di meha kewçêrê de wê dest bi kişandina wê bikin, derhêneriya fîlm jî Biket İlhan (jina Atilla İlhan a berê) dike.