Diyarname

Li Silêmanî niha 5'emîn Festîvala Fîlman a Navneteweyî ya Silêmanî li dar e. Festîvalê nîşandayîna fîlmê bi kurdî betal kir. Em qala fîlmê kurdî "Ji bo azadiyê" dikin.

Fîlmê bi navê "Ji bo azadiyê" fîlmê derhêner Ersîn Çelîk e û ji aliyê Komuna Fîlman a Rojava ve li Rojava hatibû kişandin. Amadekarên fîlmî ji bo Festîvala Silêmanî fîlm şandibûn û fîlm ketibû nav bernameya festîvalê. Festîvala Fîlman a Silêmanî roja 17'ê mehê dest pê kir. Fîlmê navbarî li gor bernameyê divê 18'ê mehê saet 22.00'an de li Salona 3'yan a City Sînemaya Silêmanî bihata nîşandayîn lê organîzatoran nîşandayîna fîlmî betal kir.

Li ser betalkirina nîşandayîna fîlmî rêveberê festîvalê Daner Omer ji bo Rojnews’ê gotiye ku wan biryar daye filmên ji sala 2020’an ve hatine kişandin bêne nîşandayîn lê filmê ‘Ji bo Azadiyê’ di sala 2019’an de hatiye çêkirin, wê jî wiha kiriye ku ew bêne rexne kirin. Omer gotiye: “Wê film neyê asteng kirin û wê tenê nîşandayina wê were paşxistin.” Pirsa madem wisa ye, çima fîlm pêşî girtine nav bernameyê û paşê betal kirine li holê ye. Rêveberê festîvalê Daner Omer negotiye dê kengê fîlm nîşan bidin lê li gor nûçeyê hin çavkaniyan gotiye ku piştî reklama fîlm hat kirin ji Konsolosxaneya Tirkiyeyê geriyane û piştî vê yekê nîşandayîna fîlm hatiye betalkirin.

Di sala 2019'an de jî fîlmê "Ji bo azadiyê" berî li Sînemaya Salim a li Silêmanî bê nîşandayîn hatibû qedexekirin.

***

Nûçeya Eleqedar:

- Festîvala Fîlman a Silêmanî dest pê kir

*** 

YOUTUBE: www.youtube.com/diyarnamediyarname 
MALPER: www.diyarname.com
TWITTER: twitter.com/diyarname1
FACEBOOK: facebook.com/diyarname
MAIL: diyarname@diyarname.com