Diyarname

Festîvala Şanoyê ya Stenbolê ji bo sala 2014'an li benda lîstikan e. Salên borî de lîstikên bi kurdî jî bûbûn mêvanên festîvalê.

19'emîn Festîvala Şanoyê ya Stenbolê ku ji aliyê İKSV (Weqfa Çand Hunerê ya Stenbolê) ve tê lidarxistin li benda serîlêdanan e. Komên şanoyê yên li Tirkiyeyê herî dawî dikarin heta 31'ê vê mehê forma serîlêdanê ragihînin ber destê amadekarên festîvalê. Yên bixwazin dikarin ji ser malpera festîvalê  (tiyatro.iksv.org) yan jî li navenda wan (Sadi Konuralp Cad. No:5 Nejat Eczacıbaşı Binası, Şişhane, Beyoglu-Stenbol)  serîlêdana xwe pêk bînin.

Festîval lîstikên ku yekemîn car dê bêne lîstin qebûl dike. Ji bo vê yekê projeyên nû dibin mêvanên festîvalê. Salên borî lîstikên komên kurdan jî bûbûn mêvanên festîvalê.