Diyarname
Dewletên Yekbûyî yên Amerîkayê (DYA) biryar girt ku ji Rêxistina Çand, Zanist û Perwerdehiyê ya Neteweyên Yekbûyî (UNESCO) vekişe.
Wezareta Karên Derve ya DYA'yê li ser mijarê daxuyaniyeke nivîsî weşand û got "Ji ber helwesta UNESCO ya dijî Îsraîlê" û ji ber "pêdiviya reforma bingehîn" wan biryara veqetînê daye. DYA'yê biryara xwe ragihandiye Dîrektora Giştî ya UNESCO'yê Irina Bokova û gotiye ku ew ji saziyê vediqetin lê wekî dixwazin di statuya çavdarên her demî de bimînin.
Komîteya Mîrateya Dinyayê ya UNESCO'yê biryar da ku "Bajarê Kevn" ê li El-Xelîl ê li Filistînê wekî "Mîrateya dinyayê ya di bin talûkeyê de a aîdê Filistînê" girt. DYA û Îsraîl dijî vê derketin.
Yek ji berdevkên Sekterê Giştî yê NY'ê (Neteweyên Yekbûyî) Farhan Haq diyar kir ku ew ji ber vê biryarê xemgîn in.
Li gor Beşa 6'an a Xala 2'yan ya Zagona Bingehîn a UNESCO'yê heta roja dawî ya sala 2018'an dê rola DYA'yê dinav UNESCO'yê de bidome.