Wan
Li gundek girêdayî navçeya Bayizavayê di encama gulebarankirina erebeyek de 6 kes mirin 12 kes birîndar bûn.

Li gundek girêdayî navçeya Bayîzavaya Wanê berê guleyan dan erebeyeke. Rêwiyên di erebeya bi plakaya 65 AV 664 de ji Wanê ji şînekê vedigeriyan. Li ser rêya Wan-Erdîşê erebe bi çekên mezin hate gulebarankirin. Hate gotin ku kesên erebe gulebaran kiriye bi du erebeyan hatine wê derê kêmîn avêtine û gule bera ser erebeyê dane. Di encamê de 6 kes mirin 12 birîndar bûn.
Tê gotin ku mesele, meseleyeke doza xwînê ye.
Di erebeya ku Halit Sagniç diajot de du zarok,  Rasim, Mecbure, Meryem, Abdurrahman, Rifat, Abdulhadi, Husamettin û Mahmut Sagniç  digel Seyfi û Naif Ozkaya hebûn.
Li gor gotinan meseleya doza xwînê di navbera malbata Sagniç û malbata Şevginleran de ye.

Xelk û alem heta dikarin ji hev hez dikin û hev mezin dikin, ême hê hev dixin bin erdê. Em çi bêjin; Gelo ev jî qeder e?