Diyarname

Van wêneyan bidin ber xwe. Dûre ev wêne li ku hatine kişandin, li cihê ku hatine kişandin binêrin. Nexşeyeke bigirin cem xwe û li cihên ku ev wêne hatine kişandin bigerin. Bêyî em biwestînin, em bibêjin, hûn ji xwe re şirove bikin.

Wêneyek li Rojava hatiye kişandin. Li Efrînê, Amûdê, Qamişlo, Serêkaniyê û bajarên din... Gelek jin... Ne yek, ne didu, ne sed... Çek hilgirtine destên xwe, ji bo parastina gelê xwe li bendan in... Wan rêxistinek jî çêkirine bi navê "YPG" (Yekîtiya Parastina Jin). Jixwe di wêneyê de hûn wan li rêzê dibînin. Kî dizane piştî kêliyekê dê ji wan çend heb bimînin, çend xatir bixwazin ji vê dinyaya gilover.

Wêneyek din... Di wê de jî jin hene. Sê jinên delal. Yek jê wekî "Şaciwana Kurdistanê" hatiye hilbijartin. Li ku, li Hewlêrê. Yanê li parçeyeke din ê kurdan. Na, ji hev zêde ne dûr in, tenê sînor li nav wan hatiye kişandin û hew... Em agahiya li ser Şaciwanê binêrin: "Şaciwana Kurdistanê bo sala 2013`an "Fênîk" di sala 1988 de li bajarê Silêmaniyê ji dayîk bûye û li Swîserê dijî. Fênik bi Frensî, Îspanî û Înglîzî dizane. Her weha Fênik Mihemed di pêşbirka şaciwaniya kurdistanê ji 100 xalan 87 xal bi dest xistin û hate hilbijartin." (Pukmedia)

Belê ji we re du wêne. Wekî me got, şirove aîdê we ye.