Ferat – Necmettîn –Ehmed

-Ev fedî ya kê ye..?-

Êlûn

Heyva hovîtî û lehengî

Bahoza ku dilê gel hilweşand

Jiyan kir reş û tarî

Duwazdê Êlûnê bû binerd

Bi xwîna Elî Akîf û Xeyrî

Bêr bi bêr xwelî

Avêtin ser wî termî

Erê...

“Hêstirên çavan

Liberketin e tofan e w geşî ye

Bes ne zîvire tirs û fediyê”

Jiyan fetisandin bi kotek û lêdanê

Tovên Mazlûm serî da heval bi berxwedanê

Jiyan pir xweş e heval bi berxwedanê

Heval bi serhildanê

Heval li Kurdistanê

Derdê dilê’m giran e

Zindana Amedê

Warê serhildan û berxwedanê

Tê nivîsandin dîroka kurda

Bi xwînê w tolhildanê

Di fetisîne neyar

Mirin(şehîd) û agirê jiyanê

Ferman li ser fermanê

Tê  ji Enqerê

Bi temirînin tovên Mazlûm

Di zindana Amedê

Amedê Amedê

Warê serhildanê

Warê berxwedanê

Warê tolhildanê

Dîrok û jîna kurda

Li wir tê meydanê

Vala derxist deh lehenga

Ev ferman 

Bi mirin skence w lêdanê

Sal not û şeş

Roj sêşem

Bîst û çarê Êlûnê

Dijmin got: “Çok bişikînin li ber me!”

Heval Memed diqîre..!

“Lo..! Ma ev li me ne şerm e

Bi rihê Xeyrî û awaza Elî

Berxwedan..! Berxwedan..! Berxwedan..!

Em serî danaynin ji ber neyaran

Xwesipartin tune

Bi agirê Ferhat û Necmî

Berxwedan..! Berxwedan..! Berxwedan..!

An mê bijîn bi serbilindî

Yan jî em ê bimirin bi rûmetî

Ew peyva min î ku nêvciyê

Di kemile bi fermana Serokê Netewî

Berxwedan..! Berxwedan..! Berxwedan..!

Natirsin ji faşizmê

Ew jiyana mirî

Çend bêrên xweliyê

Tavêjin ser vî termî

Banga hevalê Ridwan

“Ziwa nebûyê xwîna

Kurtikê Mazlûman!”

Dilê tevan bi hev re bû dîlan

Cemal Sebrî Qedrî Edîp Heqî û Erqan

Gotin: “Silav li te ey şehîd

Bi mirinê Berxwedan..!”

Malta dilgirî liberketî Yezdan

Îro mahşer e li zîndan

Tê nivîsandin dîrok

Bi mejiyê li serê jopan

Û belavbûyî li dîwaran

Bi zilma mijokdariya tirkan

Heval Ehmed distirê

“Mirin ji me re dûrik e

Mawîzera bi gulik e

Li Andok û Gebarê

Qêrîna me domdike”

Deh canan girtin dîlan

Li Zîndana Amedê

Dîlana mirinê

Dîlana Serxwebûnê

Karnekir kotek û lêdan

Heliya mejiyê wan

Bi kuça û dîwaran

Lê 

Dîlan xweşkirin

Bi xwîna xwe ya sor û bargiran

Dom kir berxwedana hezar salan

Bi rêberiya Kawayê Hemdemî Mazlûm DOGAN

Silav dan Xeyrî w Kemal

Mazlûm got: “Hûn bi xêr hatin

        Zarokên rojê

Zarokên agir

     Zarokên berxwedanê

Ser seran û ser çavan..!”

Bersiv danê bi dengekî

Doza Kemal doza me ye

Deynê Xeyrî deynê me ye

Şiyara Elî sonda me ye

Sozê Akîf sozê me ye

Em jî ji we re sozdar

Sonda şehîd sonda me ye

Gurzê Kawa li destê me ye

Çeka EGÎT li milê me ye

Destê Serok li pişta me ye

Kurdistanê warê me ye

Jiyan fetisandin bi kotek û lêdanê

Tovên Mazlûm serî dan heval bi berxwedanê

Jiyan pir xweş e heval bi berxwedanê

            heval bi serhildanê

            heval li Kurdistanê

Gelawêj 1997 / Ordî

***

Nivîsa eleqedar:

- JI ŞERÊ JIYANÊ RE CÎH NE GIRÎNG E..!