Mehveş Evin
Em bibêjin di mîtînga partiyek siyasî de li Rojava bombe teqiyan... Çar hemwelatî mirin, bi dehan birîndar çêbûn, dest û lingên wan teqiyan...
Hûn dizanin dê çi bibe, ji beşên cur bi cur dê bertekên çawa derketina holê?
Hedef ne HDP mîtînga AKP'ê ba, herhal çapemeniya nêzî AKP'ê dê bêdeng nemana.
Berevajî, berî lêpirsîn çêbiba dê cih de ji manşetan ragihanda "terorîst"!
Ger hedef ne HDP, partiyeke din a muxalefetê ba, bawer bikin dengên şermezarkirinê dê ji asteke bilindtir derketa.
Lê dema hedef HDP, cih Diyarbekir, yên mirî kurd bin refleksên tên zanîn derdikevin holê. Di bingeha van refleksan de cudaxwazî, nijadperestî û neyartî heye.
Dewra berê hat girtin.
Berî hilbijartinê zêdeyî 60 cihan êrîşê ofîsên HDP'ê hatin kirin; Helwesta bi neyarî û cudakarî ya li hemberî kurdan û HDP'ê bi van êrîşan eşkere bû.
Êrîşa 5'ê pûşperê ya li Diyarbekirê êrîşa herî tarî, ya herî bi xwîn bû.
Baş e ku helwelatî guh nade van polîtîkayên wekî salên 90'î yên kevbûyî.
Baş e ku em li serdemekê ne ku propagandayên qirêj heta cihekê diyarker in.
Baş e ku yên li Stenbol, Enqere, Îzmîrê çi li Diyarbekirê dibe ne bi du roj derengmayîn û dezenformasyonan, ji şahidiya kesên yekemîn û ji çavkaniyên cuda dibihîzin.
Lê dewlet eynî wekî li bûyera li Reyhanli, di dosyaya TIR'ên MÎT'ê de, di kuştina du polîsan li Çewligê de, wekî dosyayên 17-25'ê Berfanbarê, ji bo êrîşa li Amedê jî biryara veşarîbûnê ji bolêpirsînê da.
Kiryarekî ku hatiye girtin heye, lê dosya veşarî ye!
Hevserokê HDP'ê Selahatttin Demirtaş dibêje ku ne ji Wezareta Karên Hundir, ne ji walîtî tu agahî negirtine.
Di welatekî normal de rêberê sêyemîn partiya mezin a li Meclisê bibêje "Bêyî ji nav dewletê piştgirî bigire, ji Sûriyeyê kesek nikare bombe di dest de were vir û li cihê ku ezê lê baixivim bûyerê çêbike, gelek hucreyên girêdayî DAIŞ'ê ji bo bikevi nav tevgerê li benda fermanê ne" wê her der tevlihev bibe.
Îdîayên Demîrtaş gelek cidî ne û di zûtirîn demê de divê mesele zelal bibe.
Piştî komkujiya li Amedê suîkast li hemberî Serokê Şaxa Îhya-Derê Aytaç Baran hat kirin û çar HDP'yî hatin înfazkirin. Ev yek nîşan dide ku li herêmê hesabên tarî li ser kar in...
Talûke mezin e. Piştî heyecana hilbijartinê gere mirov nekeve nav rehawetê.
Gere li Tirkiyeyê li pişt deriyan hesabên berjewendiyan û şerê hêzê neyê kirin û ev yek nebe sedema hê zêdetir xwînê.
mehves.evin@milliyet.com.tr
13.06.2015, Milliyet
Wergera ji tirkî: Cemil Oguz