Diyarname
Duyemîn Pêşbaziya Çîrokan a Abdullah Duran dest pê kir. Yên ku bixwazin divê heta 30.11.2008’an berhemên xwe bişînin.

Eğitim-Sena Amedê, bi pêşniyarî û organîzekirina komîsyona zarokan, li ser navê Abdullah Duran, Duyemîn Pêşbirka Çîrokan a Abdullah Duran da dest pê kirin.
Abdullah Duranê 9 salî ku di bûyerên 28’ê adara 2006’an ên Amedê de hat kuştin bi pêşbaziyê tê bibîranîn.
Egîm-Senê li ser armanca pêşbaziyê wisa gotiye: “Ji vê pêşbaziyê mebest ew e ku bi qasî dilopekê jî be, zêdebûnek li deryaya ziman û wêjeya kurdî pêk were. Dîsa em dixwazin ev pêşbazî bibe kevneşopiyeke komeleyê û em bala raya giştî bikêşin ser çareserkirina pirsgirêkên aştiya mayendî, biratiya gelan, wekheviyê û dadê. Û hêvî, mebest û daxwaza her timî û mezintirîn ew e ku di tu temenî de kes bi destê kesî/an neyê kuştin.

Pêşbazî bi kurdî (bi zaravayên kurmancî û zazakî) û bi tirkî hatiye dest pê kirin. Ji bo xelata yekemînî 750, ji bo duyemînî 500 û ji bo xelata sêyemîn jî 250 YTL wekî xelat hatiye nîşandayîn. Berhemên ku çaremîn, pêncemîn û şeşemîn derên jî dê bi xelata mansiyonê bêne xelatkirin.

Û şert û endamên juriyê:

ŞERT Û RÊBAZÊN PÊŞBIRKÊ
1. Zimanê pêşbaziyê bi kurdî û tirkî ye.
2. Kurdî bi zaravayên kurmancî û dimilî ye.
3. Çîrok dê ji hêla bikaranîna zimên, tevn û honandina wêjeyî û rûmetdayina nirxên mirovane û şoreşgerî ve bê nirxandin.
4. Di hêla naverokê de tû sînorkirin nîn e.
5. Çîrok dikarin ji bo zarokan bin her wiha dikarin ji bo mezinan hatibin nivîsandin.
6. Divê çîrok bi qasî ku bi rehetî bêne xwendin û heta ku pêkan be bi riya komputurê bêne nivîsandin.
7. Piştî roja 30.11.2008’an berhemên ku bên dê neyên nirxandin.
8. Eğitim-Sen Şaxa Amedê mafdar e ku çîrokan çap bike û çîrokên gihane lijneya jurî dê li xwediyên wan neyên vegerandin.
9. Sînorê kinahî û dirêjahiya çîrokan nîn e.
10. Dê encamê pêşbirkê roja 14.03.2009’an li Amedê, ji raya giştî re bê ragihandin.
11. Merasîma xelatdayînê di roja 28.03.2009’an de li Amedê dê bê lidarxistin.
12. Beşdarvan di her ziman/zaravayî de, dikarin tenê bi yek berhemî beşdar bibin.
13. Li gorî derfetan, di serî de berhemên ku xelat wergirtine dê weke pirtûk bêne çapkirin.

LIJNEYA JURIYÊ YA KURMANCÎ
1.Merdan Newayî
2.Behlûl Zelal
3.Azîz Samur
4.Arîf Hito
5.Helîm Yusiv
6.Yaqub Tilermen
7.Mîran Janbar

LIJNEYA JURİYÊ YA DIMILÎ
1.Heyder Diljen
2.Suleyman Yilmaz
3.Mahmut Yoruk
4.Muzaffer Ozdemir
5.Cafer Yamiş

LIJNEYA JURIYÊ YA TIRKΠ
1.Murat Ozyaşar
2.Yavuz Ekinci
3.Semih Gumuşçüu
4.Suzan Samancı
5.Remzi Karabulut
6.Adnan Ozyalçiner
7.Muharrem Erbey

Navnîşan:Eğitim-Sen Diyarbakır şubesi
       Kalender Center kat:6 No:9
   YENİŞEHİR-  DİYARBAKIR
 TEL:0412 2232754
                    0505 4823050
                    0533 6358652  

 e-mail: abdullahdurankurdi@hotmail.com